Tineslemt : Tameẓla gar ileqman

Tineslemt
Asbeddi	631
Asebdad	Muḥemmed
Asismel	asɣan Ddin n at Rebbi d yiwen Ddin abrahimi Tineslemt
Isem aẓaṛan	الإسلام
Ittallal sɣur,	Ineslem d lumma
Ifurken	Tigejdiwin n tineslemt Cchada Taẓallit zzakat Jeûne du Ramadan (fr) Lḥeǧǧ di tneslemt

Tineslemt neɣ aykuzen d ddin ideg ttamnen yinselmen belli Rebbi d yiwen, ur yesɛi acrik. D Netta i d-ixelqen akk ameɣra, ala netta i yestahellen ad yettwaɛbed.

Deg laxert, wid i yumnen s-yes, gan ayen i yefreḍ fell-asen ad aten-iger ɣer ljennet, ma d wid ur yuminen s-yes, ɛsant ad aten-iger ɣer jahennama. Deg Tineslemt, Rebbi ixleq-d Lmalaykat seg tafat, Leǧnun seg tmes, amdan seg wakal. Yuzen imazanen (les messagers) ɣur medden akken ad amnen s yes ad rnun ad at-ɛebden s wayen isen-id icareɛ d wayen id-asen d-mlen imazanen-is. Deg Tineslemt amazan (Rrasul) aneggaru i d-iceggaɛ Rebbi d Muḥemmed.

Isem n yemdanen i yettamnen s Tineslemt , Inselmen. Inselmen ɣur-sen 5 n tamara:

• Cchada.
• Taẓallit.
• Zzakat.
• Remḍan.
• Lḥeǧǧ.

Deg Tineslemt, yella yiwen wedlis : Leqran: D adlis id yessuder Rebbi ɣef umazan Muḥemmed. Yella daɣen Lḥadit: D imeslayen, igiten, neɣ ayen ɣef i yessusem (Aprobations)Muḥemmed. Inselmen ttamnen belli Injil d Turat ttubeddlen, wer qqimmen amek i ten-id yuzen Rebbi.

65–75% seg inselmen d Ssunna.

• Ttamnen belli i iḥekmen af inselmen, lxalif, ilaq ad yili d aɛrab seg teqbilt n qureyc. Akk lxulafa ɣur-sen d uzrifen. Kra seg-sen ur steɛrifen ara s lxilafa n iɛetmaniyen axaṭer mači d aɛraben. Seg-wasmi temmut ddewla n iɛetmaniyen ssunna ha-ten mebla Xalif, llan kra i iɛerḍen ad uɣalen Xalif lameɛna ur zmiren ara.
• Ttrajun Lmehdi akken ad yettnaɣ amgal d deǧǧal s lemɛiwna n Ɛisa. Deǧǧal d awaɣzen ɣur-s yiwen tiṭ kan, yittidir g tigzirt g tama n tmurt n waɛraben. Yettraju assireg n rebbi akken ad yeffeɣ.
• Imaturidiyen d icɛaryien ttamnen belli ur nezmir ara ad nessen amek yettwaxdem rebbi, lameɛna isalafiyen ɣur-sen rebbi yesɛa tafekka s igmanen am aqerruy, ifassen u iḍaren.

10–13% seg inselmen d Cciɛa.

• Ttamnen belli i iḥekmen af inselmen, limam, ilaq ad yili seg wat wexxam n muḥemmed: twacult-is, tarwa ines. S teɛrabt : ahl lbeyt.
• Llan i yettamnen belli llan 12 imam, nniḍen 5.
• Ttamnen belli lmehdi yusa-d yagi, d limam aneggaru, ilul-d 600 iseggasen aya, aha-t g tuffra yettraju tuffɣa n deǧǧal.

~1% seg inselmen d Ibaḍiyen.

• Mkull yiwen yezmer ad yeḥkem af inselmen, ur ilaq ara ad yili d aɛrab neɣ seg tarwa n muḥemmed.
• Am ssunna, Ttrajun Lmehdi akken ad yettnaɣ amgal d dejjal.

~1% seg inselmen d Aḥmadeyya.

• Ttamnen belli Mirza Ɣulam Aḥmed d lmehdi u netta daɣen Ɛisa.
• Dejjal ɣur-sen yir imdanen mači d awaɣzen.

• Ttamnen belli Wallace Fard Muhammad d lmehdi, netta yura adlis nniḍen beɛd leqran.

• Ɣer Tamaziɣt Taqbaylit s usekkil Aɛrab

• Ɣer Tamaziɣt Taqbaylit s usekkil Alatin

• Ɣer Tmaziɣt Tacelḥit

Inabiyen n l’islam di Leqran
Adem	Idris	Nuḥ	Ṣaleḥ	Hud
Brahim	Luṭ	Smaɛil	Isḥaq	Yeɛqub	Yusef	Ayyub
Cuɛeyb	Musa	Harun	Dulkifl	Dawed	Sliman
Lyes	Yaseɛ	Yunes	Zakriya	Yaḥya	Ɛisa	Muḥemmed