Islam

L' islam ou rlidjon muzulmande, c' est ene des troes grandès rlidjons monoteyisses avou l' crustinnisse eyet l' djudayisse.

Onk ki shût l' islam si lome "muzulman(de)" u "moslimî" ("moslimresse"). On djheut eto "mawoumetan" mins c' est on vî mot, ene miete veyou do mwais costé.

L' islam est rashiou so l' Alcoran eyet les dijhaedjes sol veye do Profete (hadith). L' Alcoran est rwaitî come åyant stî dicté, en arabe, på Bon Diu a Mawoumet.

L' islam, come rilidjon, est diferinne di l' islamisse, la kel rididjon muzulmande est maxheye a del politike.

L' islam est rashiou so 5 mwaissès atuzes, lomés "les pilés d' l' islam :

• Li creyance å Bon Diu et a Mawoumet come si (dierin) messaedjî.
• Des priyires a dire tos les djoûs.
• Li zacate, ene tcharité oblidjeye po tos les cis k' on do bén.
• Li djunaedje tins do moes do cwareme.
• Li pelrinaedje al Meke po les cis k' ont des çanses po fé.

So on sieke (635-735), li rlidjon muzulmande si va spåde e troes continints, pal voye del conkete arabe.

L' islam a avancî eto pal voye des cofrereyes rilidjeuses. Metans, å Senegal, pal cene des Tidjanes.

C' est, ouy, li rlidjon d' on gros miyård di djins.

• Sunites (li sunisse)
  • Druzes
• Chiyites (li chiyisse)

• soufisse
• salafisse

E l' islam, gn a 3 djamas.

El Beldjike, gn åreut di 400.000 a 600.000 muzulman(de)s. Ladvins, di 5.000 a 50.000 "vîs" Bedjes kiviersîs a l' islam.^[1]

1. ↑ Felice Dassetto (adjinçneu); Facettes de l'islam belge; Academia Bruylant.