The Independent
| The Independent | |
|---|---|
 | |
| ტიპი: | ონლაინ-გაზეთი |
| მფლობელ(ებ)ი: |
ალექსანდრე ლებედევი ევგენი ლებედევი |
| გამომცემელი: | Independent Print Limited |
| რედაქტორი: | არჩი ბლანდი |
| მთავარი რედაქტორ(ებ)ი: | ამოლ რახანი |
| დაარსდა: | 1986 |
| პოლიტიკური ერთგულება: | ლიბერალური, რადიკალური ცენტრისტი |
| ენა: | ინგლისური |
| სათავო ოფისი: | {{{სათავო ოფისი}}} |
| დობილი გაზეთ(ებ)ი: | The Independent on Sunday; The i |
| ISSN: | 0951-9467 |
| საიტი: | http://www.independent.co.uk/ |
ინდეპენდენტი (ინგლ. The Independent — დამოუკიდებელი) — ბრიტანული ონლაინ-გაზეთი.[1] დაარსდა 1986 წელს, როგორც ლონდონში გამომავალი ნაციონალური დილის გაზეთი. 1997 წლიდან მას აკონტროლებდა ირლანდიელი ბიზნესმენის, ტონი ო’რეილის Independent News & Media, 2010 წელს კი გაზეთი რუსმა ბიზნესმენმა, ალექსანდრე ლებედევმა იყიდა.[2] 2016 წლის მარტიდან გამოცემამ ნაბეჭდი ვერსია შეწყვიტა და მთლიანად ონლაინ-სივრცეში გადაინაცვლა.
ზედმეტსახელად Indy, თავდაპირველად პატარა ფურცლებზე დაბეჭდილი გაზეთი იყო, 2003 წლიდან კი ტაბლოიდის ფორმატზე გადავიდა.[3] გამოცემა ცენტრისტულ-მემარცხენე ხედვებისაა და ორიენტირებულია კულტურასა და პოლიტიკაზე,[4] ეკონომიკურ საკითხებზე.[5] საკუთარ თავს არ უკავშირებს არც ერთ პოლიტიკურ პარტიას და წარმოაჩენს ხედვათა ფართო სპექტრს. „თავისუფალი პოლიტიკური პარტიების მიდრეკილებისგან, თავისუფალი მესაკუთრული გავლენისგან“ — ასე აღწერს გაზეთი საკკუთარ თავს; აღნიშნული წარწერის მქონე ბანერი დატანილი იყო გაზეთის მთავარ გვერდზე, თუმცა 2011 წელს ის მოიხსნა.[6]
ყოველდღიურმა გამოცემამ 2004 წელს ბრიტანეთის პრესის ჯილდო მიიღო და დასახელდა წლის ნაციონალურ გაზეთად. 2013 წლიდან გამოცემის მთავარი რედაქტორია წარმოშობით ინდოელი ამოლ რაჯანი, მოადგილე კი არჩი ბლანდი. 28 წლის ბლანდი ერთ-ერთი ყველაზე ახალგაზრდა ადამიანი იყო ბრიტანეთის საგაზეთო ინდუსტრიის ისტორიაში, რომელიც მაღალ მმართველობით რგოლში დაინიშნა; რაც შეეხება რაჯანს, მთავარ რედაქტორად დანიშვნისას ის 29 წლის იყო.
2015 წლის ივნისში, გაზეთის დღიური ბრინვა 58 000-ზე ქვემოთ იყო, რაც 1990 წლის პიკთან შედარებით 85%-ით იყო ნაკლები; საკვირაო გამოცემის ბრუნვა კი 97 000-ს შეადგენდა.[7] 2016 წლის 12 თებერვალს ცნობილი გახდა, რომ The Independent-ი და მისი საკვირაო გამოცემა მთლიანად ციფრულ სფეროში გადაინაცვლებდა.[1] The Independent-ის ბოლო ბეჭდური ვერსია 2016 წლის 20 მარტს გამოვიდა.
ისტორია
[რედაქტირება | წყაროს რედაქტირება]The Independent-ის პირველი ნომერი 1986 წლის 7 ოქტომბერს დაიბეჭდა.[8] გაზეთის დამფუძნებლები იყვნენ ანდრეას ვაითამ სმითი, სტივენ გლუვერი და მეთიუ საიმონდსი. სამივე მათგანი The Daily Telegraph-ის ყოფილი ჟურნალისტები იყვნენ.[9]
The Independent-ის დაარსება ბრიტანეთის საგაზეთო სამყაროში არსებულ რთულ პერიოდს დაემთხვა, რაც რუპერტ მერდოკის კუთვნილ მედიასაშუალებებში წარმოქნილი პრობლემებით იყო გამოწვეული. თავდაპირველად, The Independent-მა სწორედ მერდოკის გაზეთებიდან სცადა თანამშრომელთა გადმობირება. ცენტრისტული-მემარცხენე მკითხველების გადაბირების გზით, პირველი გამოწვევა The Guardian-ს გაუგზავნა, მეორე მხრივ კი The Times-ს დაუწყო კონკურენცია. ტირაჟმა პიკს 1989 წელს მიაღწია — 400 000.
1990-დან დღემდე
[რედაქტირება | წყაროს რედაქტირება]1990-იან წლებში The Independent-ი პრობლემების წინაშე აღმოჩნდა, რადგან ფასები დააგდეს მერდოკის კუთვნილმა გაზეთებმა. ამის შემდეგ, გაზეთმა სარეკლამო კამპანია წამოიწყო, რომელშიც The Times-სა და The Daily Telegraph-ს მეპატრონეების, რუპერტ მერდოკისა და კონრად ბლეკის ინტერესების გატარებაში ადანაშაულებდა.
ფინანსური პრობლემები შეექმნა გაზეთის გამოცემას. მისით დაინტერესება გამოთქვა სხვა რამდენიმე მედია-კომპანიამ. 1994 წელს გაზეთის აქციების მესამედი ტონი ო'რეილის Mirror Group Newspapers-მა შეიძინა. 1995 წელს გაზეთის წილები გადანაწილდა Independent News & Media-ს (43%), MGN-ს (43%), და Prisa-ს (El País-ის გამომცემელი, 12%) შორის.[10]
1998 წელს ო’რეილმა კომპანიის 54% ჩაიგდო ხელში, რაც 30£ მილიონი დაუჯდა. 2004 წლისთვის, გაზეთი კვლავ პრობლემების წინაშე აღმოჩნდა და წლიური დანაკარგი 5£ მილიონს შეადგენდა.[11]
2010 წლის 25 მარტს, Independent News & Media-მ გაზეთი რუს ოლიგარქს, ალექსანდრე ლებედევს მიჰყიდა სიმბოლურ ფასად, 1£-ად, მომდევნო ათი თვის მანძილზე 9.25£ მილიონის გადახდის პირობით; თავის მხრივ, ცალ-ცალკე The Independent-ი და The Independent on Sunday განგრძლივი საკონტრაქტო ხელშეკრულებით 28£ და 40£ მილიონად შეფასდა.[2][12] 2009 წელს, ლებედევს უკვე ჰქონდა შეძენილი გაზეთი London Evening Standard-ი.[13]
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- ↑ 1.0 1.1 „Breaking News“. BBC News. 12 February 2016. ციტირების თარიღი: 12 February 2016.
- ↑ 2.0 2.1 „Independent titles sold to Lebedev family company“. The Independent. London. 25 March 2010. ციტირების თარიღი: 25 March 2010.
- ↑ „'The Independent' launches tabloid version to give readers a choice“. The Independent. London. 27 September 2003.
- ↑ U.K. paper follows rivals into tabloid format: At The Times, size matters, International Herald Tribune, 8 December 2003. დაარქივებული 4 December 2008[Date mismatch] საიტზე Wayback Machine.Category:Webarchive-ის თარგის შეტყობინებები
- ↑ Wilby, Peter (14 April 2008). „It is. Is he?“. The Guardian. London. ციტირების თარიღი: 27 March 2010.
- ↑ Indy's Independence Whacked - Guy Fawkes' blog. Order-order.com (30 September 2011). ციტირების თარიღი: 2 September 2012.
- ↑ ABC circulation figures Press Gazette. დაარქივებულია ორიგინალიდან — 2016-05-04. ციტირების თარიღი: 2016-08-12.
- ↑ Dennis Griffiths (ed.) The Encyclopedia of the British Press, 1422–1992, London & Basingstoke: Macmillan, 1992, p.330
- ↑ Glover, Stephen (6 October 2006). „The Independent: Reflections on the last 20 years“. The Independent. ციტირების თარიღი: 3 December 2012.
- ↑ Lewis, Justin; Williams, Andrew; Franklin, Bob; Thomas, James; Mosdell, Nick. The Quality and Independence of British Journalism: Tracking the Changes Over 20 Years. Cardiff School of Journalism, Media and Cultural Studies, Cardiff University.
- ↑ Lelic, Sarah (19 September 2006). „INM eyes Independent profit“. mad.co.uk. დაარქივებულია ორიგინალიდან — 18 მაისი 2007. ციტირების თარიღი: 23 თებერვალი 2021.
- ↑ Bintliff, Esther; Fenton, Ben (25 March 2010). „Lebedev scoops up The Independent for £1“. Financial Times. London. ციტირების თარიღი: 20 September 2011.
- ↑ Ponsford, Dominic (9 April 2010) "Roger Alton steps down as Independent editor" დაარქივებული 2010-04-14 საიტზე Wayback Machine. , Press Gazette (London).