თეთრი ნაცარქათამა[1][2] (ლათ.Chenopodium album) — ერთწლოვანიბალახოვანი მცენარეჯიჯლაყასებრთაოჯახისა. სიმაღლეში 100 სმ-მდე აღწევს. ღერო სწორად მდგომია, დატოტვილი, ფქვილისებური ნაფიფქით მოფენილი ან შიშველი. ფოთოლი რომბისებურ-კვერცხისებური ფორმისაა, ფქივილისებური ნაფიფქი აქვს ორივე ან მხოლოდ ქვედა მხარეს. ყვავილების გორგლურები შეკრებილია თავთავისებურ ან ფარჩხატ საგველასებურ ყვავილედში. ყვავის და ნაყოფმსხმოიარობს ივნის-ოქტომბერში. ნათესებში, ბოსტნებსა და ბაღებში იზრდება როგორც სარეველა მცენარე, აგრეთვე გვხვდება მდინარეთა ნაპირებზე, რუდერალურ ადგილებში, დაბლობიდან მთის შუა სარტყლამდე. კოსმოპოლიტი მცენარეა. საქართველოში ყველგანაა გავრცელებული.[3] საკვებად (ფხალად) გამოიყენება ფოთლები და ნორჩი ტოტები.[4]
