Kumisi Luhur tumrap Pangungsi Pasarékatan Bangsa-Bangsa

Kantor Komisionèr Dhuwur PBB tumrap Pangungsi (Inggris: The Office of the UN High Commissioner for Refugees (UNHCR)) iku sawijining Badan PBB kanggo ngurusi para pangungsi ing donya. Badan kang duwé markas ing Jenewa, Switserlan, iki diadegaké ing 14 Dhésèmber, 1950) tugas wigatiné nglindhungi lan mbiyantu para pangungsi saka usulan pamaréntah utawa Perserikatan Bangsa-Bangsa lan mbantu para pangungsi mau mulih menyang papan panggonan asalé utawa menyang papan panampungan.

Akèh pangungsi Palestina-ing Gisik Kulon (West Bank), Lurung Gaza (Gaza Strip), Libanon, Suriah, lan Yordania-ora kalebu tugasé UNHCR, nanging diayahi déning organisasi PBB kang luwih dhisik anané ya iku UNWRA utawa (United Nations Relief and Works Agency for Palestine Refugees in the Near East). Nanging, pangungsi Palestina ing jabané wewengkon operasi UNRWA kalebu tanggung jawabé UNHCR.

UNHCR diadegaké tanggal 14 Dhésèmber, 1950 lan nggantèkaké organisasi sadurungé ya iku United Nations Relief and Rehabilitation Administration. Badan utawa agènsi iki ditugasi mimpin lan koordinasi aksi international kanggo nglindhungi pangungsi lan masalah pangungsi ing donya Tujuan mligi ngamanaké hak lan kasajahtran para pengungsi. Badan iki berjuang kanggo mesthèkaké yèn saben wong bisa nggunakaké hak-é kanggo ngungsi lan golèk panggonan kang aman ing nagara liya (asylum), kanthi pilihan mulih kanthi sukarila, wewanuhan (integrasi) karo sing ndunungi lokal utawa ditampung ing nagara liya.

Mandhat UNHCR sithik mbaka sithik tansaya amba, kalebu ngamanaké lan mènèhi bantuan kamanungsan tumrap apa kang sinebut "dadi masalah wong liya (as other persons of concern), kalebu wong-wong kang kepeksa kudu oncat saka omahé nanging isih tetep sajeroning sawenèh nagara (internally displaced person) (IDP) kang cocog karo dhéfinisi pangungsi miturut konvènsi PBB taun 1951 bab status pangungsi. lan Protokol 1967 Konvensi Organisasi Afrika Bersatu taun1969, utawa perjanjèn liya yèn wong-wong mau ninggal nagarané, nanging wektu iku isih ana ing tlatah nagara asalé. UNHCR wektu iki duwé misi utama ing Libanon, Sudan Kidul, Chad/Darfur, Irak, Afganistan lan uga ing Kenya kanggo mbiyantu IDP lan pangungsi.

Sawetara program anyar anyar iki lagi dicoba kanggo mbantu lan ngundhakaké kasadharan tumrap masalah kang diadhepi para pangungsi saindhenging donya. Program-program anyar iki minagka produk tolok ukur kang ditata sajeroning "Sasaran Pambangunan Milènium PBB" utawa (United Nations Millennium Development Goals) (MDG).

UNHCR nampa Bebungah Nobel Bedhamèn ing taun 1954 lan 1981.

Tanggal 1 Januari 2007, UNHCR nglapuraké total 21 018 589 cacahé, wong kang dadi urusané, ya iku:

• 7 979 251 ing bawana Asia:
  • 2 580 638 ing the Timur Tengah
  • 2 974 315 ing Asia Kidul-Wétan
  • 218 584 ing Asia Tengah
  • 1 304 189 ing Asia Kidul
  • 901 525 ing Asia Wan lan Pasifik
• 4 740 392 ing bawana Éropa:
  • 1 617 214 ing Eroapah Wétan
  • 708 132 ing Éropa Kidul-Wétan
  • 616 132 ing Éropa Tengah lan nagara-nagara Baltik
  • 1 798 914 ing Éropa Kulon
• 5 069 123 ing bawana Afrika:
  • 1 359 175 ing Afrika Tengah lan tlatah Great Lakes
  • 2 105 314 ing Afrika Wétan
  • 1 031 030 ing Afrika Kulon
  • 434 427 ing the tlatah Afrika Kidul
  • 139 177 ing Afrika Lor
• 3 229 822 ing bawana Amérika:
  • 717 545 ing Amérika Lor lan Karibia
  • 2 512 277 ing Amérika Kidul

UNHCR duwé staf utawa punggawa punjul 6689 ing 116 nagara kang mbantu yutanpangungsi lan IDP ing saindhenging donya.(UNHCR, Appel Global, 2007)

UNHCR uga diwakili déning para duta kamanungsan (UNHCR Goodwill Ambassador), salah sijiné aktris misuwur Angelina Jolie^[1]. Duta kamanungsan UNHCR kang luwih anyar ya iku penyanyi Yunani George Dalaras^[2].

Posisi Komisionèr Dhuwur kawengku déning:

• António Guterres, 2005-saiki (rampung 2009) (Portugal)
• Ruud Lubbers, 2001-2005 (Walanda)
• Sadako Ogata, 1990-2000 (Jepang)
• Thorvald Stoltenberg, January-November 1990 (Nurwègen)
• Jean-Pierre Hocké, 1986-1989 (Switserlan)
• Poul Hartling, 1978-1985 (Dhènemarken)
• Prince Sadruddin Aga Khan, 1965-1977 (Iran)
• Félix Schnyder, 1960-1965 (Switserlan)
• Auguste R. Lindt, 1956-1960 (Switserlan)
• Gerrit Jan van Heuven Goedhart, 1951-1956 (the Walanda)

Fridtjof Nansen minangka Komisionèr Dhuwur jaman Liga Bangsa-Bangsa (League of Nations)]] wiwit taun 1922.

• en:United Nations
• en:Nansen International Office for Refugees

1. Gil Loescher. The UNHCR and World Politics: A Perilous Path. Oxford University Press. 2002
2. David Rieff. A Bed for the Night. Simon and Schuster. 2003.
3. Fiona Terry. Condemned to Repeat? The Paradox of Humanitarian Action. Cornell University Press. 2002.
4. Nicholas Steiner. Problems of Protection. Routledge. 2003.
5. Tony Waters. Bureaucratizing the Good Samaritan. Westview. 2001.

• Official web site
• Bottled Water Program in Support of the UNHCR
• News from UNHCR official website
• "Basic facts" from official website
• Measuring Protection by Numbers, Report from official website
• History of the United Nations-UK Government site
• "Who is a Refugee and who is not - the Crisis of Identity as a Challenge to Protection" Archived 2007-07-11 at the Wayback Machine. Online video of an address by Ms. Erika Feller, Director, Department of International Protection, UNHCR, in 2005
• USCRI's Campaign to End Refugee Warehousing
• USCRI's joint Statement Calling for Solutions to End the Warehousing of Refugees Archived 2007-06-14 at the Wayback Machine.
• "Prisons of the Stateless: The Derelictions of UNHCR" by Jacob Stevens
• Nine Million
• EarthWater

Cithakan:Pamenang bebungah Nobel Bedhamèn 1951-1975 Cithakan:Pamenang bebungah Nobel Bedhamèn 1976-2000