Blender (piranti alus)

Blender ya iku piranti alus komputer grafis 3D lelahanan lan sumber tinarbuka sing digunakaké kanggo nggawé filem animasi, efek visual, kagunan, modhél cetak 3D, motion capture, aplikasi 3D interaktif, lan kasunyatan virtual. Biyèn Blender uga digunakaké kanggo nggawé gim video. Blender bisa digunakaké kanggo werna-werna panggawéan kayata kanggo pamodhélan 3D, pametaan UV, pamenehan tekstur, nggambar digital, mbesut gambar raster, pambalungan (rigging), simulasi cuwèran lan kebul, simulasi partikel, simulasi barang empuk, pangukiran digital, animasi, motion capture, parendheran , motion graphics, mbesut video, lan nata komposisi video (compositing).