Pablo Dorado

Pablo Aniceto Dorado Gallinares (f. 22. júní 1908 - d. 18. nóvember 1978) var knattspyrnumaður frá Úrúgvæ. Hann var í fyrsta sigurliði Úrúgvæ á HM 1930 og skoraði fyrsta markið í úrslitaleiknum gegn Argentínu.

Pablo Dorado fæddist í Montevideo og hóf knattspyrnuferil sinn með C.A. Bella Vista. Hann gekk til liðs við argentínska liðið River Plate eftir HM 1930 og lék þar um nokkurra missera skeið áður en hann lagði skóna á hilluna.

Kunnastur er Dorado fyrir þátt sinn í heimsmeistaratitli Úrúgvæ á heimavelli árið 1930. Hann var ónotaður varamaður í fyrsta leiknum gegn Perú en tók þátt í hinum þremur. Hann skoraði fyrsta markið í 4:0 sigri á Rúmeníu í riðlakeppninni og kom Úrúgvæ í 1:0 í úrslitaleiknum sjálfum gegn Argentínu.

Hann lést árið árið 1978, sjötugur að aldri.

• Fyrirmynd greinarinnar var „Pablo Dorado“ á ensku útgáfu Wikipedia. Sótt 5. júlí 2023.