Durban
Durban (súlú: eThekwini, af itheku „flói, lón“) er þriðja fjölmennasta borg Suður-Afríku á eftir Jóhannesarborg og Höfðaborg. Hún er stærsta borgin í héraðinu KwaZulu-Natal. Durban liggur við austurstönd Suður-Afríku og er fjölfarnasta höfn landsins. Borgin er jafnframt mikilvæg miðstöð ferðamennsku, enda liggur í heittempraða beltinu við góðar strendur.
Íbúar Durban eru 3,44 milljónir. Því er borgin ein sú stærsta við Indlandshafsströnd Afríku. Hún er þar að auki önnur stærsta iðnframleiðsluborg Suður-Afríku á eftir Jóhannesarborg.
