Sapporo
| Sapporo | ||
| ||
| Kelk imaji pri Sapporo. | ||
|
| |
| Standardo | Blazono | |
| Lando: |  Japonia
| |
| Regiono: | Hokkaido | |
Informo:
| ||
| Latitudo: | 43°04' N | |
| Longitudo: | 141°21' E | |
| Surfaco: | 1 121,12 km² | |
| Habitanti: | 1 970 277 (2020) | |
| Denseso di habitantaro: | 1800 hab./km² | |
| Horala zono: | UTC+9 | |
| Urbestro: | Katsuhiro Akimoto | |
Mapo:
| ||
| ||
Oficala retosituo:
| ||
| www.city.sapporo.jp | ||
Sapporo (askoltez) (札幌市) esas chef-urbo di Hokkaido, Japonia. Ol esas la 5ma maxim populoza urbo di Japonia. Segun statistiki de 2020, ol havis 1 970 277 habitanti. Lua tota surfaco esas 1.121,12 km².
Jacanta sud-weste de Hokkaido, l'unesma habitanti dil urbo esis le Ainu, qui komencis habitar ibe plu kam 15 mil yari ante nun. La nomo dil urbo devenis de la frazo sat poro pet (サッ・ポロ・ペッ), de la linguo Ainu, signifikante "sika granda fluvio", refero a la vicina fluvio Toyohira.
La habitantaro dil urbo augmentis kun l'arivo di enmigranti de altra loki di Japonia. En 1972, la Vintrala Olimpiala Ludi eventis ibe. La kampuso dil universitato di Hokkaido jacas en Sapporo.
Geografio
redaktarLa reliefo di Sapporo esas plana centre, e kolinoza weste e sude. La mezavalora altitudo dil urbo esas 29 metri. Ol havas multa parki, exemple la parko Odori, an lua centro, ube eventas multa festivali omnayare.
La klimato dil urbo esas humida kontinentala (Dfa segun la klimatala klasifikuro da Köppen). La mezavalora temperaturo en agosto (somero) esas 22,3°C, kontre ke la mezavalora temperaturo en januaro (vintro) esas -3,6°C. La mezavalora yarala temperaturo esas 8,6°C.
Someri esas humida, ma ne ecesive humida. La mezavalora yarala pluvo-quanto esas 1106,5 mm, e la maxim pluvoza monato esas septembro, kun mezavalore 135,2 mm. La vintri esas kolda e nivoza: Sapporo recevas mezavalore 5,96 metri di nivo omnayare, esanta un ek la poka metropoli de la mondo ube nivas tante.