Estal Germania
Demokratiala Republiko di Germania (Germane, Deutsche Demokratische Republik, abreviuro DDR), anke konocita kom Est-Germania esis lando qua jacis en central Europa. Lua vicina landi esis Polonia este, Chekoslovakia sude, e West-Germania sud-weste e weste. Norde ol havis litoro en Baltika Maro.
| Deutsche Demokratische Republik | ||
| 1949 til 1990 | ||
|
| |
| ||
Urbi
| ||
| Chefurbo: | Est-Berlin | |
Lingui
| ||
| Oficala lingui: | Germana | |
| Tipi: | Republiko | |
| · Chefo di stato: | Wilhelm Pieck (1949 til 1960) Manfred Gerlach (1989 til 1990) | |
| · Chefo di konsilantaro di ministri: | Otto Grotewohl (1949 til 1964) Lothar de Maizière (1990) | |
| · Entote: | 108 333 km² (1990) | |
Habitanti
| ||
| · Entote: | 16 111 000 (1990) | |
| Valuto: | Deutsche Demokratische mark | |
| Religii: | Kristanismo | |
| Kauzo di la fino: | Riunigo di Germania en 1990 | |
Bazala fakti pri Demokratiala Republiko di Germania.
Historio
redaktarDum la Konfero di Yalta en 1945 e pose dum la konfero di Potsdam, Sovietia, Usa, Unionita Rejio e Francia paktis pri komune administrar Germania til la restauro di lua suvereneso. Sovietiana zono di okupeso inkuzis kin Germana stati: Mecklenburg-Westa Pomerania, Brandenburg, Saxonia, Saxonia-Anhalt e Turingia.
Kande westala regioni de anciena nacional-socialista Germania, okupita dal westala federiti (Usa, Unionita Rejio e Francia) unionis su por konstitucar West-Germania, Est-Germania kreesis en respondo, en 1949. Wilhelm Pieck divenis l'unesma prezidanto di Est-Germania.
Ye la 16ma di junio 1953 Est-Germana laboristi qui konstruktis l'avenuo Stalinallee revoltis kontre l'augmento di la quoto di laboro. La revolto expansis tra altra urbi la sequanta dio, ed en poka dii cirkume 1 milion personi strikis en 700 urbi ed urbeti. Sovietian armeo e Est-Germana polico represis la revolti. Cirkume 50 personi mortigesis e 10.000 enkarcerigesis.
Dum la nokto de la 12ma til 13ma di agosto 1961 konstruktesis la murego di Berlin por probar l'impedo di fugi vers West-Berlin.
En 1990 Est-Germania desaparis, pos la riunigo di Germania.
Politiko
redaktarDemokratiala Republiko di Germania, anke konocita kom Est-Germania esis komunista republiko.Lua unesma chefo di stato, kun la titulo "prezidanto" esis Wilhelm Pieck. Pos la morto di Pieck, la titulo di la chefi di stato divenis "chefo di la konsilantaro di stato" - l'unesma esis Walter Ulbricht. La chefo di guvernerio esis la chefministro, unesme Otto Grotewohl. Komunista Partiso esis la precipua partiso di lando.
La parlamento havis unika chambro, la Volkskammer, kun 400 membri.
Geografio
redaktarLa maxim grand urbo di lando esis Est-Berlin. Altra importanta urbi esis Karl-Marx-Stadt, Potsdam e Rostock.