Republica Democratica Alemanda
La Republica Democratica Alemanda (RDA) (en alemand, Deutsche Demokratische Republik o DDR), coneguda tanben coma Alemanha Orientala, èra un Estat comunista qu'existiguèt tre 1949 fins a 1990 dins lo territòri alemand conquistat per l'Union Sovietica dempuèi la Segonda Guèrra Mondiala. Foguèt proclamada a Berlin Èst lo 7 d'octòbre de 1949. Foguèt declarada Estat sobeiran en 1954, mas las tropas sovieticas demorèron coma èra acordat dins la Conferença de Potsdam, subretot en compensacion per la presença nòrd-americana en Alemanha Occidentala pendent la Guèrra Freja. Èra membre del Pacte de Varsòvia. Après un procèssus d'eleccions liuras, en 1990 s'uniguèt a l'Alemanha de l'Oèst o RFA.