Voss (aquo)

Voss esas norvegiana sorto de enboteligita aquo de la vilajo Vatnestrøm en municipo Iveland, en komtio Aust-Agder, Norvegia.

Kontre populala kredo, l'aquo ne enboteligesas en la municipo Voss, qua distas plu kam 400 kilometri del reala enboteligo-situo.  Ol esas komprebla en efervecanta e neefervecanta formi.

Voss enboteligesas da Voss of Norway AS, usana kompanio kun chefkontoro en New York-Urbo.  L'aquo vendesas en plu kam 50 landi, kun aparta foko ye Usa.

En 2007, la revuo Women's Health rangizis Voss unesme inter plura enboteligita aqui.  Por amuzo che televiziono, probi aranjita da la nacionala brodkasterio di Finlando, Yle, tri okulo-bandajizita vino-experti rangizis Voss-aquo maxim base del sis aqui probita, qui inkluzis la publika robineto-aquo di Helsinki. La cilindrala vitra botelo di Voss desegnesis da Neil Kraft.  Voss asertas ke sua fabriko-procedo esas tote karbo-neutra.  En ula landi inkluze Usa, Britania ed Australia, Voss anke vendesas en plastika boteli qui retenas la cilindrala desegnuro.