Neutra Moresnet
Neutra Moresnet esis mikra belga-prusiana kondominio en centrala-westala Europa qua existis de 1816 til 1920 e kunadministresis dal Unionita Rejio Nederlando (e Belgia pos lua sendependesko en 1830) e la Rejio Prusia.
Pos 1830, la maxim nordala frontiero-punto dil teritorio ye Vaalserberg konektis ol a quarlanda punto komuna kun Nederlandana provinco Limburg, Prusiana provinco Rheno, e Belga provinco Liège. Hodie ol konocesas kom la Tri-Landa Punto, pro ke ol esas la kunveneyo di la frontieri di Belgia, Germania e Nederlando.
Dum la Unesma Mondo-Milito, Neutra Moresnet anexesis da Germania, ma la alianciti ne agnoskis l'anexo. L'Armistico inter Francia e Germania en novembro 1918 koaktis Germania retretar de Belgia e Neutra Moresnet. Un yaro pose, la Pakto di Versailles grantis Neutra Moresnet a Belgia, de 10 januaro 1920, kande la teritorio anexesis da Belgia e divenis la municipo Kelmis.
La regiono esas aparte interesanta che Esperantisti pro inicii dum la frua 20ma yarcento fondar Esperanto‑parolanta stato, nomizita Amikejo (amikeyo, lit. Loko di Amikeso), sur la teritorio di Neutra Moresnet.
Dum la Duesma Mondo-Milito, Kelmis e la cirkondinta areo ri-anexesis da Germania e retro-nomizesis Moresnet, ma la teritorio retrodonesis a Belgia en 1944.