Helena, Montana

Helena
Legifal asembleyo di Montana.
Lando:	Usa
Stato:	Montana
Informo:
Latitudo:	46°35′28″N
Longitudo:	112°01′13″W
Altitudo:	1233 m
Surfaco:	43,76 km²
Habitanti:	32 091 (2020)
Denseso di habitantaro:	734,91 hab./km²
Horala zono:	UTC-7 (UTC-6 dum la somero)
Urbestro:	Wilmot Collins (D)
Mapo:
Oficala retosituo:
www.helemamt.gov

Helena esas chef-urbo di Usana stato Montana, e sideyo di la komtio Lewis e Clark. Segun la demografiala kontado di 2020 ol havis 32 091 habitanti, kontre 28 190 habitanti en 2010^[1]. Lua tota surfaco esas 43,76 km², equivalanta a 16,9 mi², di qui 43,67 km² (16,86 mi²) esas lando, e la cetera esas aquo.

Helena fondesis dum la "hasto dil oro", e divenis urbo en 1864. Dum du yardeki, cirkume US$ 3,6 miliard dolari en oro extraktesis de la regiono.

La reliefo di Helena esas partale plana, kun kelka kolini. Ol cirkondesas da naturala rezerveyi, monti e lagi. Lua mezavalora altitudo esas 1233 metri super la marala nivelo.

La klimato di Helena esas miarida (BSk segun la klimatala klasifikuro da Köppen). La mezavalora temperaturo en januaro (vintro) esas -5°C, kontre ke la mezavalora temperaturo en julio (somero) esas 21,4°C. La maxim alta temperaturo enrejistrita ibe esis 41°C ye la 24ma di julio 1969, kontre ke la maxim kolda temperaturo enrejistrita esis -41°C, ye la dii 31ma di januaro 1893, 25ma di januaro 1957, e plu recente ye la 2ma di februaro 1996.

La mezavalora yarala pluvo-quanto dil urbo esas 290 mm, e la maxim pluvoza monato esas junio, kun mezavalore 56 mm. Ordinare povas nivar dum preske tota monati ecepte julio, ma rare nivas de mayo til septembro.