Kabul
| Kabul | ||
| الجيزة | ||
| Kelk imaji pri Kabul. | ||
| Lando: |  Afganistan
| |
Informo:
| ||
| Latitudo: | 34°32' N | |
| Longitudo: | 69°10' E | |
| Altitudo: | 1791 m | |
| Habitanti: | 4 635 000 (2015) | |
| Denseso di habitantaro: | 17.000 hab./km² | |
| Horala zono: | UTC+4:30 | |
 • Kabul | ||
Kabul esas chef-urbo e la maxim populoza urbo di Afganistan. Segun statistiki de 2019, ol havas cirkume 5,26 milion habitanti,[1] qua inkluzas omna precipua rasala grupi de Afganistan. Ol esas la 75ma maxim populoza urbo de la mondo.
L'urbo jacas en streta valo, an la montaro Hindu Kush, en altitudo di 1791 metri, en strategiala loko alonge komercala treki inter central e sudal Azia. La nomizita Silko-voyo trairis ol.
L'urbo fondesis apud rivero Kabul, plu kam 3500 yari ante nun. Ol divenis chef-urbo en 1774. Lua nomo signifikas magazino en Persa linguo.
Geografio
[redaktar | redaktar fonto]
La reliefo di Kabul esas plana en lua central areo, qua situesas en streta valo alonge rivero Kabul, inter montaro Hindu Kush, e kolinoza en quarteri fore lua central areo. Exempli pri monti qui cirkondas Kabul: Khair Khana-e Shamali, Khwaja Rawash, Shakhi Baran Tey, Chihil Sutun, Qurugh, Khwaja Razaq, e Sher Darwaza. La mezavalora altitudo dil urbo esas 1791 metri super la marala nivelo.
La klimato di Kabul esas kontinentala, kolda e miarida (BSk segun la klimatala klasifikuro da Köppen). La mezavalora temperaturo en januaro (vintro) esas -2,3°C, kontre ke la mezavalora temperaturo en julio (somero) esas 25°C. Temperaturi infre 0°C eventas plu freque de decembro til februaro.
La maxim granda quanto di precipiti falas sur Kabul sub formo di nivo. La pluvoza sezono iras de la fino di januaro til aprilo. La mezavalora yarala pluvo-quanto esas 312 mm, e la maxim pluvoza monato esas aprilo, kun mezavalore 71,9 mm.
Referi
[redaktar | redaktar fonto]- ↑ The World Factbook - Publikigita da CIA. URL vidita ye 13ma di septembro 2015.
