Bioteknologio

Bioteknologio esas vasta fako di biologio e koncernas irga teknologiala developo qua uzas vivanta organismi o biologiala sistemi por krear o modifikar produkturi, od industriala procedi. L'organismi vivanta uzata povas esar genetikale modifikita, o ne, e to esas la difero inter bioteknologio e genetikal injeniorarto. Segun l'Organizuro por Kunlaboro ed Ekonomiala Developo, bioteknologio esas «l'uzo di ciencala ed injeniorala principi por traktar materii organika o neorganika per biologiala sistemi, por produktar vari e servadi». Lua bazi esas l'injeniorarto, fiziko, kemio, biologio, medicino e veterinar-arto, e lua explori produktas efekti en farmacio, medicino, nutrivala teknologio, en la trakto di solida, liquida o gasoza rezidui, l'industrio e l'agrokultivo.

Exemplo pri bioteknologio esas la developo di biofueli* e di motori qui povas uzar li, exemple alkoholo obtenata de la fermentaco di sukrokano o maizo, e biodizelo* obtenata de lipidi de animali o planti.