Arthur Schopenhauer
| Arthur Schopenhauer | ||
| ||
| Profesiono: | filozofo | |
| Lando: |  Germania
| |
| Naskodato: | 22 di februaro 1788 | |
| Nasko-loko: | Danzig, Polonia-Lituania | |
| Mortodato: | 21 di septembro 1860 | |
| Morto-loko: | Frankfurt am Main, Prusia | |
Arthur Schopenhauer, n. ye la 22ma di februaro 1788 e vivis til la 21ma di septembro 1860, esis Germana filozofo. Ilua filozofio (konocata pose kom Germana pesimismo) influis Friedrich Nietzsche, Ludwig Wittgenstein, la psikoanalizo da Sigmund Freud, ed altri. Ilua filozofiala konceptaji influesis da Budismo, Hinduismo e Taoismo.
Biografio
[redaktar | redaktar fonto]Naskinta en familio di prosperoza komercisto, ilu voyajis kun ilua patro tra tota Europa. Ilua matro Johanna esis skriptistino qua obtenis kelka notoreso, ed apertis literaturala salono en Weimar. Pos la morto di ilua patro en 1806, Schopenhauer komence duris komercar, e pose abandonis komerco por studiar literaturo, medicino e filozofio. Ilu studiis la verki da Platon e Immanuel Kant, e pose da Aristoteles e Baruch Spinoza. En 1810, il asistis lecioni da Fichte e Friedrich Schleiermacher en Berlin, e revelis su sat kritikema pri amba. Ilu decidis abandonar Berlin ante ke komencis la kombati kontre Napoleonal okupado. En 1813 ilu sustenis tezo titulizita La Quaropla Radiko di la principo pri la suficanta razono che Jena-universitato. En la sama yaro, ilu iris a Weimar, ube ilu renkontris Johann Wolfgang von Goethe, por diskutar pri la libro "La Teorio pri Kolori", skribita dal poeto.
En 1814 il deskonkordis de lua matro e decidis rezidar sola che Dresden. En 1819, ilu publikigis unesmafoye Mondo kom volo e kom reprezento, kun influi de Hinduismo e Budismo. Segun Schopenhauer, homala konoco esas limitizita, e ulu povas "ekirar" su ipsa por identifikar la vera naturo di altra kozi. To quon ulu fakte konocas esas lua propra "reprezento di la realajo". «Omno konocata da ula individuo existas nur en lua koncio». La du komencala edituri ne vendesis bone, ed erste en 1851 lua verki rideskovresis, pos la publikigo di Parerga und Paralipomena. Kleine philosophische Schriften.
Schopenhauer mortis ye la 21ma di septembro 1860.
| Singla individuo kredas ke la limiti di lua vidopunti esas la limiti di la mondo. |
