Giorgi Gakharia
| Georgi Gakharia | |
|---|---|
 | |
| Land |  Georgia
|
| Nascentie | 19-im Marte 1975 in Tbilisi |
| Partise | Por Georgia |
| Oficies | |
| Prim-ministre de Georgia | |
| Quande | 8-im septembre 2019 til 18-im de februar 2021 |
| Antecessor | Mamuka Bakhtadze |
| Successor | Irakli Garibashvili |
| Presidente del partise Por Georgia | |
| Quande | 29-im de may 2021 til nu |
| Antecessor | ne esset |
Giorgi Zauris dze Gakharia (გიორგი ზაურის ძე გახარია) es un politico de Georgia. il nascet li 19-im de marte 1975 in Tbilisi e esis prim-ministre de Georgia inter li 8-im septembre 2019 e li 18-im de februar 2021. Georgi Gakharia esset til annu 2021 membre del partise Georgian Reve. Il fundat e es li presidente del partise Por Georgia.
Personal e profesional vive
[modificar | redacter fonte]Georgi Gakharia studiat historie in Tbilisi e political scientie in Moscva. Il fat un mastre in plu alt comercial administration (Higher Business Administration). Pos to il laborat in diversi firmas quam li german Lufthansa Service Holding.
Giorgi Gakharia es maritat con Marika Pantsulia e li cuple have un filia Ana.
Political cariera
[modificar | redacter fonte]Giorgi Gakharia esset membre del partise Georgian Reve.
- 2013-2016 Ombudsman por economie de Georgia.
- 2014-2016 Secretario del economic consilie.
- 2017-2018 Ministre por economie e durabil developament.
- 2017-2019 Ministre por interni aferes.
- 2018-2019 Vice-prim-ministre de Georgia.
- 2019 Secretario del National Consilie de Securitá de Georgia.
- 2019-2021 Giorgi Gakharia esset inter li 8-im de septembre 2019 e li 18-im de februar 2021 prim-ministre de Georgia. Il devet demisser ye li 18-im de februar 2021 pro li areste del politico del oposition Nika Melia.
- 2021 Giorgi Gakharia abandonat li partise Georgian Reve e fundat ye li 29-im de may 2021 li partise Por Georgia e il devenit presidente de ti partise. Giorgi Gakharia candidat sin successe in li annu 2021 por li oficie del borgomastro del cité capital Tbilisi.