[go: up one dir, main page]
Saltar al contento

Monero (cryptomoneta)

De Wikipedia, le encyclopedia libere

Monero (XMR) es un cryptomoneta de codice aperte create in April 2014 que se concentra al intimitate, discentralisation, e scalabilitate e functiona per Windows, MacOS, Linux, Android, e FreeBSD.[1]

Designo

[modificar | modificar fonte]

Differente in comparation con multe cryptomonetas que son derivationes de Bitcoin, Monero se basa super le protocollo CryptoNote e possede differentias significante que se refere al celamento del blockchain.[2][3] Per le provision de un alte grado de intimitate, Monero es fungibile, que significa que omne unitate del moneta pote esser substituite per altere unitate. Iste unitates son indistinguibile le un del altere. Isto differentia Monero del cryptomonetas de libro major public como Bitcoin, ubi adresses previemente associate con activitate non desirate pote esser boycottate e refusate per le membros del rete.[4] Monero es a vices empleate per usatores de Bitcoin pro romper le connexion inter transactiones, con bitcoins primemente convertite a Monero, e postea, post alicun retardo, convertite retro e enviate a un adresse non connexe a lo que on ha usate antea.

Particularmente, le signaturas anular misce le adresse del expenditor con un gruppo de alteres, a fin que il es exponentialmente plus difficile a establir un ligamine inter cata transaction subsequente.[5][6] De plus, le "addresses furtive" generate pro cata transaction face impossibile le discoperta del destination actual per qualcunque persona excepte le possessor del adresse. Finmente, le mechanismo de "transactiones confidential anular" cela le amonta transferite.

Monero es designate pro resister extraction monetari (verification de transactiones in excambio pro numismas digital) per circuitos integrate specific al application, que son frequentemente usate pro extracter altere cryptomonetas como Bitcoin.[7] Illo pote esser extractite satis efficacemente per hardware del grado de consumitor como x86, x86-64, ARM o etiam GPUs del grado de consumitor.

Historia

[modificar | modificar fonte]

Le protocollo fundamental CryptoNote super que Monero se basa era originalmente lanceate per le autor pseudonyme Nicolas Saberhagen in Octobre 2013.

Monero era originalmente lanceate per un usator del forumo Bitcointalk cognoscite solmente como "thankful_for_today" con le nomine BitMonero que es un composito de Bit (como in Bitcoin) e Monero (literalmente "numisma" in Esperanto). Post quinque dies, le advocatos del moneta optava que le nomine sia abbreviate a Monero.

In Septembre 2014, Monero era attaccate quando un persona incognoscite exploitava un defecto in CryptoNote que permitteva le creation de duo subchains que refusava a recognoscer le validitate le un del altere. CrytoNote postea liberava un pecia de reparation pro le defecto, que Monero actuava.[8][9]

Monero habeva experientia de un crescimento rapide in capitalisation del mercato e volumine de transactiones durante le anno 2016, in parte a causa del adoption in 2016 per le major mercato darknet AlphaBay,[10] que era claudite in julio 2017 per le policia.[11]

Al 10me de januario 2017, le intimitate de transactiones per Monero era plus roborate per le adoption del algorithmo Transactiones confidential del disveloppator de Bitcoin Core Gregory Maxwell, occultante le quantitates que son transigite, in combination con un version meliorate de Signaturas anular.[12]

Activitate controverse

[modificar | modificar fonte]

Le facibilitate del extraction de Monero per CPU ha facite viabile que actores maligne distribue extractores celite per malware, utilisante le hardware del victima pro le ganio financial del disveloppator de malware.[13][14]

Coin-Hive, un implementation per JavaScript del extractor de Monero, ha facite possibile que on cela le extractor in un sito de web a fin de utilisar le CPU del visitator por extracter le cryptomoneta durante que le visitator consume le contento del sito de web. Ben que isto pote esser facite con le consentimento del usator in un effortio provide un modelo de fundar alternative al reclamos,[15] alicun sitos de web ha facite lo sin consentimento informate. A causa de isto, le extractores ha essite blocate per multe extensiones pro navigatores web e listas de subscription pro le blocamento de reclamos.[16]

Ligamines external

[modificar | modificar fonte]

Referentias

[modificar | modificar fonte]
  1. ↑ "Researchers say WannaCry operator moved bitcoins to “untraceable” Monero" (in en-us), Ars Technica (4 August 2017). 
  2. ↑ Rizzo, Pete (February 4, 2017). Drugs, Code and ICOs: Monero's Long Road to Blockchain Respect.
  3. ↑ Lopp, Jameson (April 9, 2016). Bitcoin and the Rise of the Cypherpunks.
  4. ↑ Bovaird, Charles (2017-05-28). What to Know Before Trading Monero. Coindesk.
  5. ↑ Greenberg, Andy (2017-01-25). "Monero, the Drug Dealer's Cryptocurrency if Choice, is on Fire", Wired. 
  6. ↑ van Wirdum, Aaron (September 1, 2016). "How Bitcoin Users Reclaim Their Privacy Through Its Anonymous Sibling, Monero", Bitcoin Magazine. 
  7. ↑ Tsihitas, Theo (September 22, 2017). "Monero vs Bitcoin: Monero Adopted by Privacy Focused Crypto Users", CoinCentral. 
  8. ↑ Werner, Albert (September 8, 2014). "Monero network exploit post-mortem" (in en-gb), Cryptonote forum. Recuperate le November 24, 2017. Archived from the original on November 7, 2017. 
  9. ↑ Macheta, Jan (12 September 2014). MRL-0002: Counterfeiting via Merkle Tree Exploits within Virtual Currencies Employing the CryptoNote Protocol. Monero Research Labs. Archivo del original create le 5 November 2017. Recuperate le 24 November 2017.
  10. ↑ Greenberg, Andy (25 January 2017). "Monero, the Drug Dealer's Cryptocurrency of Choice, Is on Fire", Wired. 
  11. ↑ Popper, Nathaniel (20 July 2017). "2 Leading Online Black Markets Are Shut Down by Authorities", The New York Times. 
  12. ↑ O'Leary, Rachel Rose (September 8, 2017). "Increased Hashrate Forces Premature Monero Hard Fork Sep 8, 2017 at 15:00 UTC by Rachel Rose O'Leary", CoinDesk. 
  13. ↑ Tung, Liam (October 31, 2017). "Android security: Coin miners show up in apps and sites to wear out your CPU" (in en), ZDNet. 
  14. ↑ Goodin, Dan (October 30, 2017). "A surge of sites and apps are exhausting your CPU to mine cryptocurrency" (in en-us), Ars Technica. 
  15. ↑ Thomson, Iain (October 19, 2017). "Stealth web crypto-cash miner Coin Hive back to the drawing board as blockers move in", The Register. 
  16. ↑ Pearson, Jordan (2017-09-19). "Someone Made an Ad Blocker But for Cryptocurrency Mining", Motherboard. 
Obtenite de “https://ia.wikipedia.org/w/index.php?title=Monero_(cryptomoneta)&oldid=662854”