Flaviviridae

Flaviviridae(լատ.), վիրուսների ընտանիք, որոնք հիմնականում փոխանցվում են հոդվածոտանիների (տզերի և մոծակների) միջոցով։ Ընտանիքը ստացել է այդպիսի անվանում դեղին տենդի վիրուսից (անգլ.՝ Yellow Fever virus, լատին․՝ flavus՝ դեղին)։ Դեղին տենդը իր հերթին այդպես է անվանվում այն պատճառով, որ առաջ է բերում դեղնախտ հիվանդություն^[1]։

Flaviviridae-ն առանձնացվեց Togaviridae ընտանիքից 1985 թվականին։ Ըստ Վիրուսների դասակարգման միջազգային հանձնաժողովի (ICTV)՝ 2017 թվականի մարտին ընտանիք ներառում են 4 ցեղ^[2]՝

• Flavivirus՝ մարդու և կենդանիների վիրուսների 53 տեսակ, բնորոշ տեսակներն են՝ դեղին տենդի վիրուս, Հարավային Նեղոսի վիրուս, Դենգեի վիրուս, տզային էնցեֆալիտի վիրուս, Զիկի վիրուս
• Hepacivirus՝ 14 տեսակ՝ ներառյալ հեպատիտ C-ի վիրուսը
• Pegivirus՝ 11 տեսակ՝ Pegivirus A-ից մինչև Pegivirus K
• Pestivirus՝ 4 տեսակ, որոնք վարակում են կաթնասուններին, բայց ոչ մարդուն, բնորոշ տեսակներն են՝ խոշոր եղջերավոր անասունների դիարեայի վիրուս, խոզերի դասական ժանտախտի վիրուս

Ֆլավիվիրուսների գենոմը ներկայացված է չհատվածավորված գծային միաշղթա (+) ՌՆԹ-ով, որն ունի 9,6-ից մինչև 12,3 հազար նուկլեոտիդ երկարություն (մոնոպարտիտ գենոմ)։ 5'-ի ծայրում պարունակվում է մեթիլացված նուկլեոտիդ (5'-կէպ)։

Վիրուսային մասնիկները պատված են թաղանթով, ունեն գնդանման ձև և մինչև 40—60 մմ տրամագիծ։

Ընտանիքի ներկայացուցիչների կողմից հարուցվող հիվանդությունների ցանկը՝

• Դենգեի տենդ
• Ճապոնական էնցեֆալիտ
• Տզային էնցեֆալիտ
• Հարավային Նեղոսի տենդ
• Սենտ-Լուիսի տենդ
• Դեղին տենդ
• Հեպատիտ C
• Զիկի տենդ

• Flaviviridae

Վիքիցեղերն ունի նյութեր, որոնք վերաբերում են «Flaviviridae» հոդվածին։

Վիքիպահեստն ունի նյութեր, որոնք վերաբերում են «Flaviviridae» հոդվածին։

Բառարաններ և հանրագիտարաններ MESH ID Տաքսոնոմիա EOL · GBIF · NCBI · IRMNG · WoRMS Չափորոշչային վերահսկողություն GND: 4538441-1 · Microsoft: 2777510210, 2908590762 · NKC: ph257184