Օձնի

Գյուղ
Օձնի
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառ	Էրզրումի գավառ
Այլ անվանումներ	Ոզնի, Օզնի, Օզնին, Օծնի, Օձին
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Փոստային ինդեքսներ	25700

Օձնի, գյուղ Արևմտյան Հայաստանում, Էրզրումի վիլայեթի Էրզրումի գավառում^[1]։ Գտնվում էր Էրզրում քաղաքից 12 կմ հյուսիս-արևմուտք, Արևմտյան Եփրատ գետի աջափնյա արգավանդ հարթավայրում։

Գյուղը VII դարում հիմնադրվել է Հովհաննես Օձնեցի կաթողիկոսի օրոք (717-728)։

1895 թվականի հայկական կոտորածների ժամանակ թուրքերն ավերել են Ս. Երրորդություն եկեղեցին։ 1915 թվականի Մեծ եղեռնի ժամանակ գյուղը հիմնահատակ ավերվել է։ Հայ բնակչությունը մասսամբ կոտորվել է տեղում, իսկ ողջ մնացածները բռնությամբ տեղահանվել են։ Նրանց մեծ մասը զոհվել է աքսորի ճանապարհին։

1872-1873 թվականներին ուներ 98 տուն՝ 870 հայ և 60 տուն թուրք, 1909 թվականին՝ 190 տուն հայ և 35 տուն թուրք բնակիչ։

Բնակչության հիմնական զբաղմունքը երկրագործությունն ու արհեստներն էր։

Օձնին ուներ Ս. Երրորդություն անունով եկեղեցի։ Եկեղեցում պահպանվում էր մի խաչքար, որն ըստ ավանդության կանգնեցրել էր Թադևոս առաքյալը։

Գյուղի մոտ է գտնվում Ս. Հովհաննես վանքը։

Եկեղեցուն կից 1860-ական թվականներին գործում էր երկսեռ վարժարան, որն ուներ 80-100 աշակերտ։

Միջնադարում եղել է գյուղաքաղաք և հանդիսացել է գրչության կենտրոն^[2]։

• Էրզրումի նահանգի հայաբնակ բնակավայրեր

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն