Ջո Հան
Ջո Հան | |
---|---|
Բնօրինակ անուն | անգլ.՝ Joe Hahn |
Ի ծնե անուն | անգլ.՝ Joseph Hahn |
Նաև հայտնի է որպես | Joe Hahn և Mr. Hahn[1] |
Ծնվել է | մարտի 15, 1977 (47 տարեկան) Դալաս |
Երկիր | ԱՄՆ |
Ժանրեր | Նու մետալ |
Մասնագիտություն | ակումբային դիջեյ, դիջեյ, կոմպոզիտոր, նկարիչ, երաժշտական պրոդյուսեր, ռեփեր և կինոռեժիսոր |
Գործիքներ | ստեղնաշարային գործիքներ և վոկալ |
Լեյբլ | Warner Bros. Records |
Կրթություն | Արվեստի կենտրոնի դիզայնի քոլեջ և Հերբերտ Հուվեր ավագ դպրոց |
Անդամակցություն | Linkin Park |
Ստորագրություն | |
Joe Hahn Վիքիպահեստում |
Ջոզեֆ «Ջո» Հան (անգլ.՝ Joseph «Joe» Hahn), (մարտի 15, 1977, Դալաս, առավել հայտնի է «Պարոն Հան» բեմական անունով (անգլ.՝ Mr. Hahn), ամերիկացի բեք վոկալիստ, ռեժիսոր, տեսահոլովակներ ստեղծող և Linkin Park խմբի դիջեյ։
Կենսագրություն
[խմբագրել | խմբագրել կոդը]Անձնական կյանք
[խմբագրել | խմբագրել կոդը]Ջո Հանը ծնվել է Տեխաս նահանգի Դալաս քաղաքում, բայց մեծացել է Կալիֆոռնիայի Գլենդել քաղաքում[2][3]։ Հանը պատկանում է ԱՄՆ-ում ծնված կորեացիների երկրորդ սերնդին[4]։ Ընտանիքի երեք երեխաներից կրտսերն է, ունի երկու ավագ քույր։
1995 թվականին ավարտել է Գլենդելի միջնակարգ դպրոցը (անգլ.՝ Herbert Hoover High School): Այնուհետև ընդունվել է Պալադինայի արվեստի դպրոց (անգլ.՝ Art Center of College of Design), բայց այդպես էլ չի ավարտել այն[5]։
Հանը դարձել է առաջին կորեական ծագումով ամերիկացին, որը 2002 թվականին ստացել է «Գրեմմի» մրցանակ «Լավագույն ռոք կատարման» համար (անգլ.՝ "Best Hard Rock Performance"): 2005 թվականի փետրվարի 15-ին Հանը ամուսնացել է Կարեն Բենեդիտի (անգլ.՝ Karen Benedit) հետ։ Զույգը 2009 թվականին ամուսնալուծվել է։ 2012 թվականի հոկտեմբերի 21-ին կայացել է Հանի և Հայդի Վոնի ամուսնությունը։
Գործունեություն
[խմբագրել | խմբագրել կոդը]Քոլեջում Հանը ծանոթացել է Մայք Շինոդայի հետ և միացել նրա Հերո խմբին, որը հետագայում հայտնի է դարձել որպես Linkin Park[6]:
Ջոն և Մայքը մասնակցել են The X-Ecutioners խմբի «It’s Going Down» հիթի ձայնագրմանը։ Հանը նաև մասնակցություն է ունեցել Շինոդի «The Rising Tied» ալբոմում։
Նա նկարահանել է Linkin Park խմբի գրեթե բոլոր երգերը, այդ թվում նաև «Numb», «Somewhere I Belong», «What I’ve Done», «Bleed It Out», «The Catalyst», «Waiting for the End», «Burning in the Skies», «Iridescent» և «Burn It Down» երգերի տեսահոլովակները[7]։
Ինչպես նաև եղել է Xzibit-ի տեսահոլովակների և Story of the Year ու Alkaline Trio խմբերի ռեժիսորը։ 2003 թվականին հարցազրույցի ժամանակ պատմել է MTV-ին, որ տեսահոլոովակների և ֆիլմերի ստեղծումը իր ոգևորությունն է, և որ երաժշտությունը իր սևեռուն միտքն է։ Հանը «Գաղտնի նյութեր» (անգլ.՝ «The X-Files») և «Դյունա» (անգլ.՝ «Frank Herbert's Dune») սերիալների համար ստեղծել է հատուկ էֆեկտներ։ Նաև եղել է «Ընտանիք» կոչվող կարճամետրաժ ֆիլմի ռեժիսորը և ստացել է չինական «Առնետների թագավոր» գրքի հիման վրա ֆիլմ նկարահանելու իրավունք։
2010 թվականին Հանը «Medal of Honor» խաղի համար ստեղծել է թրեյլեր, որտեղ հնչում է Linkin Park խմբի «A Thousand Suns» ալբոմի «The Catalyst» սինգլը (2010)[8]։
Նա նաև «The Catalyst» երգի բնօրինակ տեսահոլովակի ռեժիսորն է, որի պրեմիերան կայացել է 2010 թվականի օգոստոսի 26-ին։ Նույն թվականին լույս են տեսել Linkin Park խմբի «Waiting for the End» և «Burning in the Skies» երգերը։ 2011 թվականի ապրիլի 13-ին Շինոդան հաստատել է, որ «Iridescent» երգի տեսահոլովակի ռեժիսորը նույնպես Հանն է լինելու։ Նկարահանումները սկսվել են հենց հաջորդ օրը։ Պրեմիերան կայացել է նույն թվականի հունիսի 3-ին «MTV» հեռուստաալիքով։ «Burn It Down» երգի տեսահոլովակը, որի ռեժիսորը նույնպես Հանն է, նկարահանվել է մարտի 27-29-ին, իսկ պրեմիերան կայացել է մայիսի 24-ին ամերիկյան «MTV» հեռուստաալիքով՝ MTV First ծրագրի շրջանակներում։
Սկավառակագրություն
[խմբագրել | խմբագրել կոդը]Տարեթիվ | Ալբոմ | Լեյբլ |
---|---|---|
2000 | Hybrid Theory | Warner Brothers Records |
2003 | Meteora | Warner Brothers Records/Machine Shop Recordings |
2007 | Minutes to Midnight | Warner Brothers Records/Machine Shop Recordings |
2010 | A Thousand Suns | Warner Brothers Records/Machine Shop Recordings |
2012 | Living Things | Warner Brothers Records |
2014 | The Hunting Party | Warner Brothers Records/Machine Shop Recordings |
2017 | One More Light | Warner Brothers Records/Machine Shop Recordings |
Սարքավորումներ
[խմբագրել | խմբագրել կոդը]- Vestax PDX-2000 turntables
- Rane TTM 54i Performance Mixer
- Behringer Eurorack MX602A mixing console
- Boss Corporation GT-5 Guitar Effects Processor
- Akai MPC2000 и MPD16
- Iomega Zip 250 Drives
Ծանոթագրություններ
[խմբագրել | խմբագրել կոդը]- ↑ Չեխիայի ազգային գրադարանի կատալոգ
- ↑ Երաժիշտ com/movies/news/article_1397174.php/Linkin_Park%E2%80%99s_Joseph_Hahn_releases_The_Seed_on_iTunes Linkin Park’s Joseph Hahn releases The Seed on iTunes(չաշխատող հղում). Monsters & Critics. March 27, 2008. Retrieved on March 21, 2010.
- ↑ 'Joe Hahn' (2011) Linkin Park American. Accessed 2011-02-18.
- ↑ Han Hyun-Woo."A Band’s Linkin Korea". Chosun Ilbo. October 23, 2003. Retrieved on March 21, 2010.
- ↑ 'Joseph Hahn Pictures' (2011) Fanpix.net. Accessed 2011-02-18.
- ↑ Marinel. R. Cruz. «Curse-free music for the young and the restless». Philippine Daily Inquirer. June 2, 2002. 27.
- ↑ Jon Wiederhorn. «In The End, Linkin Park’s Joseph Hahn Wants To Be A Filmmaker Արխիվացված 2005-03-08 Wayback Machine». MTV. August 11, 2003. Retrieved on March 21, 2010.
- ↑ Antony Bruno (2010 թ․ հուլիսի 27). «Linkin Park's New Single Teased in 'Medal of Honor' Trailer» (անգլերեն). Billboard. Վերցված է 2017 թ․ հուլիսի 25-ին.
Արտաքին հղումներ
[խմբագրել | խմբագրել կոդը]Վիքիպահեստն ունի նյութեր, որոնք վերաբերում են «Ջո Հան» հոդվածին։ |
|
- Մարտի 15 ծնունդներ
- 1977 ծնունդներ
- Ապրող անձինք
- Անձինք այբբենական կարգով
- Երաժիշտներ այբբենական կարգով
- Ամերիկացի դիջեյներ
- Ամերիկացի երաժիշտներ
- «Գրեմմի» մրցանակի դափնեկիրներ
- Ռոք երաժիշտներ
- Գլենդեյլ քաղաքում ծնվածներ
- Ամերիկացի երաժշտական պրոդյուսերներ
- 21-րդ դարի ամերիկացի երաժիշտներ
- 20-րդ դարի ամերիկացի երաժիշտներ
- Ամերիկացի պրոդյուսերներ
- Ամերիկացի կինոռեժիսորներ
- Ամերիկացի կոմպոզիտորներ
- Ամերիկացի ռեփերներ