Գրախանութը

Գրախանութը անգլ.՝ The Bookshop
Տեսակ	գրական ստեղծագործություն
Ձև	վեպ
Հեղինակ	Penelope Fitzgerald?
Երկիր	Միացյալ Թագավորություն
Բնագիր լեզու	անգլերեն
Տեսարան	Անգլիա
Հրատարակչություն	Gerald Duckworth?
Հրատարակվել է	1978
Հաջորդ	Offshore?

Գրախանութը (անգլ.՝ The Bookshop), վեպ, որը գրել է բրիտանացի հեղինակ Պենելոպե Ֆիցջերալդը 1978 թվականին։ Այն առաջադրվել է Բուքերյան մրցանակի։

Վեպը պատմում է միջին տարիքի այրու` Ֆլորենս Գրինի մասին, որը որոշում է գրախանութ բացել ափամերձ փոքրիկ Հարդբորոու քաղաքում, Սաֆոլքում (Սոուվոլդի թեթևակիորեն փոփոխված տարբերակն է^[1]): Այն վայրը, որը նա ընտրել էր, Հին տունն է՝ լքված, խոնավ գույքով։ Բազմաթիվ զոհաբերություններից հետո Ֆլորենսը սկսում է իր սեփական բիզնեսը, որը զարգանում է մոտ մեկ տարի, ինչից հետո վաճառքն անկում է ապրում։ Նրան դեմ է դուրս գալիս ազդեցիկ և հավակնոտ տիկին Գամարտը, որը ցանկանում է ձեռք բերել Հին տունը՝ արվեստի կենտրոն հիմնելու համար։ Տիկին Գամարտի զարմիկը խորհրդարանի անդամ է և հովանավորում է այն օրինագիծը, որն արտոնություն է տալիս տեղական խորհրդին գնելու ցանկացած պատմական շինություն, որը բնակեցված չի եղել հինգ տարի։ Օրինագիծն ընդունվում է, Հին տունը ստիպողաբար գնվում է, և Ֆլորենսը վտարվում է։

1978 թվականին գիրքը ներկայացվել է Բուքերյան մրցանակի^[2]։

2010 թվականին գրված ներածականում Ֆրանկ Քերմոդը նշել է, որ վեպը Ֆիցջերալդին տվել է «գրախոսների հարգալից ուշադրություն և լայն հասարակության հիացմունք»^[3]։

Ֆիլմը վերամշակել է իսպանացի ռեժիսոր Իզաբել Կոյշետը։ Ֆիլմում Էմիլի Մորթիմերի խաղացել է Ֆլորենս Գրինի, Պատրիշա Կլարկսոնը՝ Վիոլետ Գամարթի և Բիլ Նային` Էդմունդ Բրունդիշ դերը։ Ֆիլմը իսպանա-անգլո-գերմանական համաարտադրություն է, որը միջազգայնորեն թողարկվել 2017 թվականին։ Այն արժանացել է երեք Գոյա կինոմրցանակի, ներառյալ Լավագույն ֆիլմ, Լավագույն ռեժիսոր և Լավագույն վերամշակված սցենար անվանակարգերը։

• Lee, Hermione (2013). Penelope Fitzgerald: A Life. London: Chatto & Windus. ISBN 9780701184957.
• Wolfe, Peter (2004). Understanding Penelope Fitzgerald. Columbia: University of South Carolina Press. ISBN 1-57003-561-X.