Բուրանո

Բուրանո;
Տեսակ	կղզի
Երկիր	Իտալիա
Վարչատարածքային միավոր	Վենետիկ
Երկարություն	0,675 կմ
Լայնություն	0,475 կմ
Մակերես	0,2108 կմ²
Բնակչություն	2762 մարդ

Բուրանո (իտալ.՝ Burano), Վենետիկի կղզային թաղամաս, որը գտնվում է քաղաքի կենտրոնից 7 կմ հեռավորության վրա՝ Տորչելլոյի հարևանությամբ։ Բնակչությունը՝ 2762 մարդ։ Հայտնի է իր վառ գունավորված տներով։

Պատմություն

16-րդ դարից մասնագիտացած է ժանյակավոր գործվածքով հագուստի արտադրության ոլորտում։ Ժանյակների արտադրության տեխնոլոգիան, ենթադրվում է, արտահանվել է վենետիկցիների կողմից Արևելյան Միջերկրականից։ Ծնունդով Բուրանոյից էր հայտնի կոմպոզիտոր Բալդասարե Գալուպպին։

Մինչ 1923 թվականը Բուրանոն, ինչպես և Մուրանոն, համարվում էր Վենետիկ առանձին քաղաք։

Տեսարժան վայրեր

Ի լրումն գույնզգույն շենքերի՝ զբոսաշրջիկներին գրավում է նաև Բուրանոյի ժանյակների թանգարանը և Սան Մարտինո եկեղեցին՝ 52 մետրանոց զանգակատնով։

Վարչական բաժանում

Սեստիերե	տարածք, հա	բնակ․	խտութ․ մարդ/կմ²	քարտեզ
Սան Մաուրո	6,8	818	12029
Ջուդեկա	2,5	255	10200
Սան Մարտինո Սինիստրա	4,4	586	13318
Սան Մարտինո Դեստրա	5,1	759	14882
Տերանովա	2,3	359	15609
Բուրանո (կղզի)	21,1	2777	13176

Անձինք, որոնք կապվա են Բուրանոյի հետ

Բալդասարե Գալուպի (1706-1785), երգեհոնահար, երգահան։
Ալֆրեդո դի Կոկո (1885-1917), Առաջին համաշխարհային պատերազմի հերոս (պարգևատրված է «Զինվորական փառքի համար» ոսկե շքանշանով), ծնունդով Աբրուցոյից է, սակայն ամուսանցել է Բուրանոյում բնակվող ուսուցչուհի Ինես Վիոյի հետ։
Ումբերտո Մոյիոլի (1886-1919), նկարիչ։
Ռեմիջո Բարբարո (1911-2005), քանդակագործ։
Դինա Բելոտի (1912-2003), նկարչուհի։
Պինո Դոնաջո (1941), երգահան։
Միկի Դեի Ռոսի (1949), երաժիշտ։
Մուրիցիո Մեմո (1950), նախկին ֆուտբոլիստ և ֆուտբոլային մարզիչ;
Անդրեա Սենո (1966),նախկին ֆուտբոլիստ։
Ստեֆանո Պոլեզել (1974), նախկին ֆուտբոլիստ։

Կապ

Բուրանոն կապված է Վենետիկի հետ (Մուրանո կղզու միջոցով) պարբերական ընթացք ունեցող նավերի շնորհիվ. դրանք նաև կապում են Տորչելլոյին և Տրեպորտիին։

Գրականություն

Giulio Lorenzetti, Venezia e il suo estuario

Վիքիպահեստն ունի նյութեր, որոնք վերաբերում են «Բուրանո» հոդվածին։