Բուշել

Բուշել (անգլ.՝ bushel), սորուն նյութերի չափման՝ ծավալի միավոր Անգլիայում (36, 37լ) և ԱՄՆ-ում (35,24լ)։ Օգտագործվում է սորուն, հիմնականում գյուղատնտեսական ապրանքի ծավալի չափման համար, բայց ոչ հեղուկների։ Համառոտ գրվում է bsh կամ bu։

Բրիտանական կայսերական չափման համակարգում 1 բուշելը = 4 պեկի = 8 գալոնի = 32 չոր կվարտի = 64 չոր պինտի = 1,032 ամերիկյան բուշելի = 2219,36 խորանարդ դյույմի = 36,36872 լ (դմ³) = 3 դույլի։

Ամերիկյան չափման համակարգում 1 բուշելը = 0,9689 անգլիական բուշելի = 35,2393 լիտրի։ Ըստ այլ տվյալների 1 բուշելը = 35,23907017 լ = 9,309177489 ամերիկյան գալոնի^[1]։

Բուշել է կոչվում նաև խնձորների պահման և տեղափոխման համար նախատեսված արկղը։ Միջազգային առևտրում բուշել ընդունված է անվանել 38,691 կգ տարողությամբ արկղը։

Անվանումը ըստ մեկ վարկածի առաջացել է հին ֆրանսերեն "boissiel" կամ "buissiel" բառից, որը նշանակում է «փոքր արկղ», ըստ մեկ այլ վարկածի բառն առաջացել է հին ֆևանսերեն "boise" բառից, որը նշանակում էր «երկու բաթ»՝ ինչը հին միջնադարյան ծավալի չափի միավորն էր և հավասար էր երկու հոգշեթի^[2]։

Ծանոթագրություններ

↑ Judson, Lewis (1963). Weights and Measures Standards of the United States (PDF). Department of Commerce: NBS Special Publication. էջ 35.
↑ «bushel, n.¹», Oxford English Dictionary, 1st ed., Oxford: Oxford University Press, 1888.