Wuricy

**Wuricy**
Auritz
	Połoženje Wuric na karće Hornjeje Łužicy
	Połoženje Wuric na karće Hornjeje Łužicy
město:	Budyšin
zagmejnowanje:	1950 (do Jenkec)
wobydlerstwo:	417 (31. decembra 2023)
wysokosć:	178–190 metrow n.m.hł.
	51.16972222222214.465178–190 Koordinaty: 51° 10′ 11″ S, 14° 27′ 54″ W
póstowe čisło:	02625
předwólba:	03591
	wobydler/ka:; Wuričan/-ka
	adjektiw:; Wuričanski
	skłonowanje:; Wuric, Wuricam, Wuricy, Wuricami, we Wuricach
	Połoženje Wuric w Budyšinje Połoženje Wuric w Budyšinje
	wikidata: Wuricy (Q5423)

Wuricy (němsce Auritz) su wjes w Hornjej Łužicy a wot lěta 1999^[2] měšćanski dźěl Budyšina. Maja 417 wobydlerjow.^[3]

Geografija

Wuricy leža na juhowuchodnej kromje wulkeho wokrjesneho města, něhdźe tři kilometry wuchodnje wot stareho města a južnje wot zwjazkoweje dróhi 6 we wysokosći 187 metrow nad mórskej hładźinu.

Ležownostne mjena

Michał Rostok naliči 1887 slědowace serbske ležownostne mjena: W Znamšinach, We wjerbinkach, Na pastwišćach, Dźěłošća, W Šindrobach, Stara łuka, W Kamjeńcach, Pola łuže, Pola skałow, Na dalokim, Na Poprjancu, Pola krušwinow, Na ladach, Miklec łuka, Na horach, Pola Jeńkec, Pola Rynčec hajka, We hłubokich pućach, Při kruwjacych pućach.^[4]

Stawizny

Prěnje historiske naspomnjenje Wuric je z lěta 1400 (Uwirwicz, Uwirricz, Vwericz, Uwricz, Uricz ^[2]). Ležownostne knjejstwo měješe Budyska měšćanska rada.

Cyrkwinsce su Wuričenjo do Budyšina zafarowani a přisłušeja wot 17. lětstotka ewangelskej Michałskej wosadźe.

Hač do lěta 1950 běchu Wuricy samostatna gmejna, potom buchu do Jenkec zagmejnowane a přińdźechu jako dźěl Jenkečanskeje gmejny 1994 do Kubšic. 1999 bu wjes do Budyšina přerjadowana. Přisłušne stawnistwo běše wot 1876 Židow a pozdźišo Budyšin.

Hlej tež: Kulturne pomniki we Wuricach

Wobydlerstwo a rěč

Po Mukowej statistice z lětow 1884/85 rěčachu tehdy 69 wot cyłkownje 77 Wuričanow serbsce.^[5] Na polu južnje wsy steji Wuričanski stołp z pózdnjeho 18. lětstotka z dwurěčnym serbsko-němskim napismom.

Wosobiny

Jan Bohuwěr Pjech (1838–1913) – knihikupc, přełožowar, publicist, słowjanski prócowar a spěchowar němsko-słowjanskeje wzajomnosće
Filip Rězak (1859–1921) – duchowny, słownikar a spisowaćel
Arnošt Herman (1871–1940) – prawiznik, domiznowědnik a předsyda Maćicy Serbskeje

Žórła

↑ staw: 31. decembra 2023; Statistiska rozprawa města Budyšina za IV. kwartal 2023, awgust 2024
↑ ^2,0 ^2,1 Wuricy w Digitalnym stawizniskim zapisu městnow Sakskeje (němsce)
↑ staw: 31. decembra 2023
↑ Michał Rostok: Ležownostne mjena. W: ČMS 40 (1887), str. 3–50, tu str. 16 (digitalizat).
↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski

Wotkaz

Commons: Wuricy – Zběrka wobrazow, widejow a awdiodatajow

Měšćanske dźěle Budyšina

[1] staw: 31. decembra 2023; Statistiska rozprawa města Budyšina za IV. kwartal 2023, awgust 2024

[digit-2] 2,0 ^2,1 Wuricy w Digitalnym stawizniskim zapisu městnow Sakskeje (němsce)

[3] staw: 31. decembra 2023

[4] Michał Rostok: Ležownostne mjena. W: ČMS 40 (1887), str. 3–50, tu str. 16 (digitalizat).

[5] Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski

[1]

[2]

[3]

[4]

[5]