Teologija

Teologija (grjeksce θεολογία teología, ze starogrjekskeho θεός theós ‚Bóh‘ a λόγος lógos ‚słowo, rěč, wučba‘) woznamjenja „wučbu wo Bohu“ abo bohach powšitkownje a wučby wo wobsahu specifiskeje nabožneje wěry a jeje dokumentach wěry we wosebitym.

Teologije w křesćanstwje rozumja so jako wědomostne rozestajenje ze žórłami wěry (bibliska teologija a historiska teologija) a praksu wěry (praktiska teologija) kaž tež jako systematiska analyza a předstajenje wěry (systematiska teologija, mjez druhim fundamentalna teologija, dogmatika a etika). W 20. lětstotku přidruži so jako disciplina interkulturelna teologija, kotraž poměr křesćanskeje teologije a praksy w konteksće wšelakich kulturow, nabožinow a towaršnosćow přepytuje a so prašenjam interkulturelneje kaž mjezynabožneje zhromadnosće wěnuje.

Křesćanska teologija poćahuje so zwjetša na wěstu konfesiju. Při tym so jenož předstajene wobsahi wot wotpowědneje konfesije njepostajeja, ale husto tež wašnja myslenja a nałožowane metody. We wědomostnje wukonjanej teologiji so tutón fakt sam hišće raz problematizuje a reflektuje.

 Commons: Teologija – Zběrka wobrazow, widejow a awdiodatajow