Demokratiska republika Kongo

Demokratiska republika Kongo
	hesło; Paix, Justice, Travail ; („Měr, sprawnosć, dźěło“)
	zakładne daty:
swójske mjeno	République Démocratique du Congo; Republiki ya Kongó Demokratiki; Ditunga dia Kongu wa Mungalaata; Repubilika ya Kongo ya Dimokalasi; Jamhuri ya Kidemokrasia ya Kongo
stolica	Kinshasa
přestrjeń	2.344.858 km²
wobydlerstwo	79.375.136 (2015)
hustosć	33,9 wob./km²
forma knježerstwa	republika
hłowa stata	prezident; Félix Thisekedi (wot 2019)
šef knježerstwa	premierminister; Jean-Michel Sama Lukonde (wot 2021)
měna	kongoski franc
hamtska rěč	francošćina a narodne rěče kikongo, lingala, suahelšćina a čiluba
hymna	Debout Congolais
časowe pasmo	UTC +1, +2
njewotwisnosć	30. junija 1960 wot Belgiskeje
Top Level Domain	.cd
telefon	+243
awtowa značka	CGO
	Połoženje Demokratiskeje republiki Kongo na zemi
	Karta

-223

Koordinaty: 2° J, 23° W

Čołmy na jězoru Kiwu we wuchodźe DR Kongo

Demokratiska republika Kongo (mjez 1971 a 1997 Zaïre) je njewotwisny stat w srjedźnej Africe. Druhi najwjetši kraj kontinenta wupřestrěwa so na woběmaj bokomaj ekwatora mjez Atlantiskim oceanom w zapadźe a Tanganjikaskim jězorom we wuchodźe. Mjezuje ze Centralnoafriskej republiku w sewjeru, z Južnym Sudanom w sewjerowuchodźe, z Ugandu, Ruandu, Burundijom a Tanzaniju we wuchodźe, ze Sambiju a Angolu w juhu kaž tež z republiku Kongo w zapadźe. Stolica je wulkoměsto Kinshasa, kotrež so namaka při rěce Kongo w zapadźe kraja.

W Demokratiskej republice Kongo knježi włóžna tropiska klima z přerěznymi temperaturami wokoło 20 °C w suchim času a 30 °C w dešćowym času. We wjetšim dźělu kraja dešćuje so pak cyłolětnje. W horinach blisko wuchodnej hranicy so druhdy tež sněhuje. Najwyše městno kraja je Margherita Peak (5.109 m) blisko ugandiskeje hranicy w horinach Ruwenzori, kotrež je tež třeća najwyša hora Afriki.