Mjetelica

Mjetelica

Lěsna mjetlica (Aruncus dioicus)
systematika
Domena	Eukaryoty
Swět	Rostlinstwo
	Rosidy Eurosidy I
rjad:	(Rosales)
swójba:	Róžowe rostliny (Rosaceae)
podswójba:	Spiraeoideae
ród:	Mjetelica[1]
wědomostne mjeno
Aruncus
Schaeff.
Wikipedija:Projekt za botaniku
p • d • w

Mjetelica^[1] (Aruncus) je ród ze swójby róžowych rostlinow. Stara warianta mjena je mjetlica^[2][3].

Ród wobsteji z třoch družinow wjacelětnych rostlinow z ricomom, kotrež w měrnych a subarktiskich regionach sewjerneje hemisfery wustupuja.

Na spódku stejace łopjena su wjacekróć pjerite abo wjacekróć třiličbnje pjerite a docpěja dołhosć wot hač do 1 m. Jich wotrězki su rězane.

Kćěje w lěću. Małke kćenja su cremebarbne abo běłe a steja w 20-45 cm dołhich pakićach wysoko nad lisćom na grotojtych stołpikach.

Rosće na słónčnych a połsćinowych stejnišćach. Maja radšo włóžne, humusowe, ale přesakliwe pódy.

Ród wobsteji z třoch hač šesćich družinow:

• Aruncus aethusifolius: je korejska družina, kotraž so druhdy jako pyšnu rostlinu wužiwa.
• Lěsna mjetelica^[2] (Aruncus dioicus (Walter) Fernald): je na sewjernej połkuli rozšěrjena lěsowa rostlina.
• Aruncus gombalanus (Handel-Mazzetti) Handel-Mazzetti: je wuchodoaziska družina, kotraž na hórskich łukach rosće.
• Aruncus sylvester Kostel. ex Maximowicz: Tuta aziska družina je při někotrych awtorach poddružina wot Aruncus dioicus.

1. ↑ ^{1,0 1,1} Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 262.
2. ↑ ^{2,0 2,1} W internetowym słowniku: Geißbart
3. ↑ Jurij Kral: Serbsko-němski słownik hornjołužiskeje serbskeje rěče, Ludowe nakładnistwo Domowina, Budyšin 2003, ISBN 3-7420-0313-5, str. 239.

• Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, strona 131 (němsce)
• Meyers Taschenlexikon Biologie, In 3 Bänden, 1. zwjazk, ISBN 3-411-12013-4, stronje 264-265 (němsce)

Hlej wotpowědne dataje we Wikimedia Commons:
Mjetelica

Tutón zapisk wo botanice je hišće jara krótki. Móžeš pomhać jón dale wutwarjeć. Za to stłóč horjeka na Wobdźěłać. Jeli maja w druhej rěči hižo wobšěrniši zapisk wo samsnej temje, móžeš tutón tež přełožić.

Jeli ma zapisk wjace hač jedyn njedostatk, wužij prošu předłohu {{Předźěłuj}}. Nimo toho so awtomatisce kategorija Kategorija:Zarodk wo botanice doda.