Pakić

Pakić je kwětnistwo, při kotrymž bóčne wóski njesu jednore abo rozhałuzowane kiće. Po formje so rozeznawaja wupřestrěta pakić, wopłonjena wotškitarska pakić, likowa pakić a botryoid.

Ličba rozhałuzowanja wubywaja wot deleka horje w dźělnych kwětnistwach. Bóčne wóski, ale tež hłowna wóska njesu nakónčne kćenje (němsce Terminalblüte).

Pakić je jako kwětnistwo daloko rozšěrjena a so namaka na př. při ricinusu, při winowym pruće abo při wowsowych a jahłowych družinach.

• 
  Winowe kiće njejsu žane kiće, ale typiske pakiće
• 
  Rólny wows
• 
  Łučna lipnica

Jeli pakić je přez wupřestrěwanje bóčnych hałuzow wokołkej podobna, potom jedna so wo přikrywarsku pakić abo wokołkowu pakić.

• 
  Wowča rutwica
• 
  Čorna bozanka při kćěwje..
• 
  a z płodami

Jeli zwonkowne kćenja leža wyše hač znutřkowne, tak zo ma formu lika, potom je likowa pakić (Anthela). Tajke kwětnistwo maja bahnowa smjetanka, škripiny a syćinowe rostliny.

• 
  Likowa pakić na syćinje
• 
  Likowe pakiće při bahnowej smjetance

Jeli rozhałuzowanja su redukowane, tak zo nimale wupada kaž kić (Botrys), potom je botryoid.

• 
  Botryoid z terminalnym kćenjom a podótknjenym rozhałuzowanjom
• 
  Woprawdźita kić bjez terminalneho kćenja a rozhałuzowanja

• Meyers Taschenlexikon Biologie, In 3 Bänden, 1. zwjazk, ISBN 3-411-12013-4, stronje 113-114 pod hesłom Blütenstand (němsce)
• Strasburger, E. et al.: Lehrbuch der Botanik für Hochschulen. 35. Auflage, Spektrum Akademischer Verlag 2002, strony 164-167 (němsce)
• Ullstein Lexikon der Pflanzenwelt, 1973, ISBN 3-550-16019-4, strona 66 (němsce)

Wobrazy pakićow z wobrazoweho archiwa uniwersity Basel (němsce)