Yiarn
- She meain bun-chooish y duillag shoh. My vel anaase ayd ayns keeall elley yn 'ockle shoh, lhaih yiarn (reddaghey).
| Ta fys bentyn rish kemmig er y duillag shoh. Jeeagh er Soilshaghey magh:Kemmig my vel feme ayd er cooney. |
She bunstoo meainagh eh yiarn, as cowrey Fe er. Ta trimmid breneenagh 55.845 g·mol as earroo breneenagh 26 echey. T'eh ayns possan 8 as çhymcheayrt bunstoo 4, as myr shen, she meain ceaghlid t'ayn. Ta yiarn as staillin ny meainyn smoo cadjin. Ta eaghtyr soilsheanagh as lheeah-argid oc, agh t'ad ocsaidaghey ayns aer as gaase coodagh dy smooirane ruy. Ta crystal glen dy yiarn feer vog, ny s'buiggey na ollymin, agh lesh goaill stiagh myn-neughlennidyn (myr sampleyr, carboan) t'ad niartaghey. Liorish jannoo co-veain lesh meainyn elley as carboan, t'ad jannoo staillin, as shen ymmodee keartyn ny s'niartey na yiarn.
  | |
| Stoo kemmigagh | bunstoo kemmigagh as meain |
|---|---|
| Yiarn ayns taabyl ny bunstooghyn | |
| Cowrey kemmigagh | Fe |
| Earroo breneenagh | 26 |
| Glout breneenagh | 55.845 |
| Cummey lectraneyn | [Ar] 3d⁶ 4s² |
| Possan as çhymcheayrt | çhymcheayrt 4 possan 8 |
| Troyn fishigagh | |
| Glooid | 7.874 g/cm³ |
| Y point-lheie | 1,538 |
| Y point-broie | 2,861 |
| Lectro-yiooldaght | 1.83 |
| Goull eeaneagh | 0.63, 0.61, 0.92, 0.49, 0.55 as 0.78 |
| Shennaghys | |
| Feddynit magh ec | gyn fys |
| Feddynys | voish y çhenndaght |
 | |
Troyn
reaghShe meain eh yiarn glen, agh s'goan ry-gheddyn er y chruinney eh, er y fa dy vel eh ocsaidaghey dy jeean my ta ocsygien as ushtey ry-gheddyn. Son dy gheddyn yiarn meainagh, shegin dhyt ocsygien y scughey jeh meain najooragh, liorish jee-ocseedaghey kemmigagh. T'ad jannoo ymmyd jeh meain yiarn haematite son y chooid smoo (Fe2O3), as jee-ocseedaghey eh lesh carboan ec çhiassid ard.
She bunstoo lorgagh eh yiarn son dagh ooilley organe bioag, faggys. Cha nel agh beggan lhimmey ayn; organeyn bioag ta cummal ayns çhymbyllaghtyn er beggan yiarn, as adsyn er naafilley dy yannoo ymmyd jeh bunstooghyn elley, myr sampleyr, manganaish ayns ynnyd yiarn son catalysys, ny haemocyanin ayns ynnyd haemoglobin.
Obbyr vea-oaylleeagh
reaghTa feme er yiarn ec dagh ooilley organe bioag, bunnys. Ayns killaghyn, t'eh goll er tashtey ayns proteenyn meainagh, er y fa dy nod yiarn "seyr" catalysaghey troarey fraueyn seyr nieunagh. Foddee laccal yiarn gientyn neufollaght laccal yiarn.
Ayns baaghyn, lossreeyn as fungyssyn, she yiarn eh yn eeane ta goit stiagh 'sy troggal haem. She co-olt slane femoil phroteenyn cytochrome, phroteenyn ymmyrkey oscygien (myr sampleyr, haemoglobin as myoglobin). Ta laue ec yiarn neuorgaanagh ayns ym-obbraghey ocsjee ymmodee ensymeyn (myr sampleyr, nitrogenase as hydrogenase). Ta proteenyn ayn as yiarn oc ga nagh vel ad nyn haemyn; t'adsyn goaill stiagh un-ocsygienase meetane, jee-ocseedase ribbonucleotaid as haemerythinyn.
Ta reiltys lajer er rheam yiarn ayns sheeintee, er y fa dy nod eh ve feer nieunagh.[1] Chammah's shen, ta feme ec ymmodee bacteyryn er yiarn, as liorish tashtey eh ersooyl voue, ta ny sheeintee lhiettal doghanyn. Ta laue mooar ec y phroteen transferrin 'sy chooish, as eshyn kiangley yiarn ass beeal y chollane as gymmyrkey eh trooid yn 'uill dys killagyn.[2]
Yiarn ayns bee
reaghTa ram yiarn ry-gheddyn ass feill aw, yeeast, eeanlee, tofu, pishyryn kirkey, poanraghyn. Ny keayrtyn, ta yiarn currit stiagh ayns arran as grine (yiarnaghey). T'eh ny smoo yiarn y smoo stiagh jeh feill, er y fa dy nee yiarn haem t'ayn.[3] Ny yei shen, foddee yiarn haem ardjaghey kanghyr collaneagh-thoanney.[4][5].
Ta LBÇ yiarn bentyn rish eash, keintys, as bun yiarn y pheiagh ("haem" ny dyn). [6] Foddee ve feme ec lhiannooyn er yiarn tooilley my t'ad er y cheeagh.[7] Ta gaue er lheh son toyrtyssee folley as mraane correy.
Reilley goaill yiarn
reaghTa rouyr yiarn nieunagh, er y fa dy vel yiarn seyr yiarnagh ym-obbraghey lesh sarocseed as jannoo fraueyn seyr. T'adsyn jeeylley GDN, proteenyn, lipaidyn, as stoo elley 'sy chillag. Myr shen, ta tomainaght yiarn taghyrt tra ta yiarn seyr 'sy chillag; shen er y fa nagh vel transferrin dy liooar eshyn y chiangley, son y chooid smoo.
Ta goaill yiarn fo reiltys lajer. Cha nel monney caa eshyn y checkey, cha nel agh liorish ceau y chrackan, as shen gyn reiltys. Myr shen, ta shin reilley eh liorish lhiettal eh y ghoaill.[8] Ny yei shen, my vees ram yiarn er n'ee, foddee eh jeylley killagyn yn ammyr ghastrey-chollaneagh as neulhiggey daue reilley soo stiagh yiarn. Ta shen lowal co-chruinnaghey ard yiarn 'syn 'uill, as foddee eh jeylley killagyn y chree, aane as organeyn elley.
Ta ny smoo na 20mg yiarn/kg glout cur tomainaght yiarn er deiney; ta 60mg/kg ny howse marrooagh.[9] Ta ro-ymmyd yiarn mastey binn vaase smoo cadjin da paitçhyn ny saa na shey; son y chooid smoo, t'ad er n'ee ram lhiackagyn yiarn currit da sleih aasit.[9]
Imraaghyn
reagh- ↑ Nanami, M. et al. (2005). "Tumor necrosis factor-α-induced iron sequestration and oxidative stress in human endothelial cells" (Baarle). Arteriosclerosis, thrombosis, and vascular biology 25 (12): 2495–2501. doi:.
- ↑ Tracey A. Rouault. How Mammals Acquire and Distribute Iron Needed for Oxygen-Based Metabolism. Feddynit er 2006-06-19.
- ↑ Food Standards Agency. Eat well, be well - Iron deficiency (Baarle). Feddynit er 2009-09-06.
- ↑ Sesink AL, Termont DS, Kleibeuker JH, Van der Meer R (1999). "Red meat and colon cancer: the cytotoxic and hyperproliferative effects of dietary heme". Cancer Research 59 (22): 5704–9. PMID 10582688.
- ↑ Glei M, Klenow S, Sauer J, Wegewitz U, Richter K, Pool-Zobel BL (2006). "Hemoglobin and hemin induce DNA damage in human colon tumor cells HT29 clone 19A and in primary human colonocytes". Mutat. Res. 594 (1-2): 162–71. doi:. PMID 16226281.
- ↑ Dietary Reference Intakes: Elements (PDF). The National Academies (2001). Feddynit er 2008-05-21.
- ↑ Iron Deficiency Anemia (web page). MediResource. Feddynit er 2008-12-17.
- ↑ Kumar, Vinay; Abbas, Abul K; Fausto, Nelson (2005). Anemia. Robbins and Cotran: Pathologic Basis of Disease, 7th edition. Elsevier Saunders. Feddynit er 2008-03-14.
- ↑ a b Toxicity, Iron. Emedicine. Feddynit er 2006-06-19.
| She bun ta'n art shoh. Cur rish, son foays y yannoo da Wikipedia. |