Essen

Sita ás beiras do río Ruhr, ten unha poboación de 582.760 habitantes, o que a sitúa como unha das máis grandes de Alemaña. Foi nomeada Capital Europea da Cultura no 2010, en representación de toda a Conca do Ruhr.

En principio foi un dos máis importantes centros alemáns do carbón e do aceiro, estando historicamente ligada ás industrias metalúrxicas da centenaria familia Krupp, para ir desenvolvendo un poderoso sector terciario e, actualmente, xunto á próxima cidade de Düsseldorf, son denominadas o pupitre do Ruhr. En Essen están instaladas o 13 por 100 das maiores empresas alemás e ademais nela teñen a súa sede varias institucións administrativas rexionais.

A cidade foi escollida en 1958 como sede dunha nova diocese da Igrexa Católica, a diocese de Essen ou bispado do Ruhr (Ruhrbistum). A comezos do ano 2003, as universidades de Essen e a da veciña cidade de Duisburg (ambas dúas estabelecidas en 1972) uníronse para formar a nova Universidade de Duisburg-Essen con campi en cada unha das cidades e o hospital universitario en Essen.

Predecesor:   Vilnius   Linz

Capital Europea da cultura xunto a   Pécs e   Istambul 2010

Sucesor:   Turku   Talín

1. ↑ Benigno Fernández Salgado, ed. (2004). Dicionario Galaxia de usos e dificultades da lingua galega. Editorial Galaxia. p. 1304. ISBN 9788482887524.