Aeroporto de Haneda

O Aeroporto Internacional de Tokyo (東京国際空港 Tōkyō Kokusai Kūkō), comunmente coñecido como Aeroporto de Haneda (羽田空港 Haneda Kūkō) ou Aeroporto de Tokyo Haneda (IATA: HND, ICAO: RJTT), é un dos dous aeroportos principais que operan na Área do Gran Tokyo, e é a principal base das dous maiores aeroliñas domésticas xaponesas, Japan Airlines (Terminal 1) e All Nippon Airways (Terminal 2), ademais das low-cost Air Do, Skymark Airlines, Skynet Asia Airways e StarFlyer. Está situado en Ōta, Tokyo, a 14 quilómetros ao sur da Estación de Tokyo.

Aeroporto Internacional de Tokyo 東京国際空港 Tōkyō Kokusai Kūkō
IATA: HND – ICAO: RJTT
Sumario
Tipo		público
Operador		Tokyo Aviation Bureau
Localización		Ōta, Toquio
Coordenadas
Pista(s)
Dirección	Longo		Superficie
	metros	pés
16R/34L	3 000	9 843	formigón asfáltico
16L/34R	3 000	9 843	formigón asfáltico
04/22	2 500	8 202	formigón asfáltico
05/23	2 500	8 202	formigón asfáltico
Estatísticas (2016)
Pasaxeiros			79 520 000

Haneda foi o principal aeroporto internacional de Tokyo ata 1978; dende ese ano ata 2010, Haneda operaba case todos os voos domésticos con saída e destino á cidade, mentres que o Aeroporto Internacional de Narita operaba a meirande parte dos voos internacionais. No ano 2010 inaugurouse unha terminal destinada a servizos internacionais Haneda xunto coa finalización dunha cuarta pista. Isto permitiu un enorme incremento de voos internacionais no aeroporto, que anteriormente só operaba servizos chárter a unhas poucas cidades do leste asiático. Na actualidade Haneda ten voos de longa distancia aos principais destinos de todo o mundo durante as primeiras horas da mañá e últimas da noite, e comezara a ofrecelos durante o día a partir de principios de 2014.