Autoestrada Central Galega
A Autoestrada Central Galega é unha vía de altas prestacións que interconecta entre Santiago de Compostela (AP-9) e o Alto de Santo Domingo (Dozón) e é coñecida como AP-53, de peaxe e dependente do Ministerio de Fomento.
| AP-53 Autoestrada Central Galega | |
|---|---|
| Tipoloxía | Autoestrada de peaxe |
| Rede | Rede de estradas do Estado |
| Lonxitude | 56,59 km |
| Localización | |
| Inicio | Santiago de Compostela - AP-9 |
| Fin | Alto de Santo Domingo (Dozón) - AG-53 |
A finalidade da autoestrada é desconxestionar a saturada N-525. Entre xullo e agosto do 2008 a AP-53 acadou unha media de 6.000 vehículos diarios[1], mentres que a AG-53 acadou os 9.000 vehículos diarios[2] ós oito meses da súa posta en servizo.
Construción
editarO proxecto da autoestrada iniciouse baixo o mandato na Xunta de Manuel Fraga e con Xosé Cuíña como conselleiro de Política Territorial. A idea é unha autoestrada de peaxe de competencia estatal para unir Santiago e Ourense. Así en outubro de 1999 adxudícase a obra da AP-53 a unha agrupación de trece empresas e o dereito para a concesionaria, ACEGA, de cobrar peaxe durante 75 anos (ata ó 2074). Para a construción a Xunta tivo que achegar 60 millóns de euros a fondo perdido, mentres que Fomento fixo un préstamo doutros 60 millóns e a concesionaria achegou 162 millóns. A construción levouse a cabo por treitos:
| Tramo | Lonxitude (km) | Inauguración |
|---|---|---|
| Santiago de Compostela - Silleda | 33 | Decembro 2002 |
| Silleda - Lalín Leste | 13 | Decembro 2003 |
| Lalín Leste - Alto de Santo Domingo (Dozón) | 10 | Xuño 2004 |
Os primeiros treitos foron inaugurados polo seguinte orde: o treito Santiago de Compostela - Silleda foi inaugurado en decembro de 2002,[3] o treito Silleda - Lalín Leste foi posto en servizo en decembro de 2003[4] e o treito Lalín Leste - Alto de Santo Domingo (Dozón) foi posto en servizo en xuño de 2004.[5]
Peaxe
editarO treito de autoestrada xestionado por ACEGA (Autoestrada Central Galega C.E.S.A.) consta de dúas estacións semitroncais de peaxe (en Vedra e Ponte) e tres accesos (Ribadulla, A Bandeira e Ponte, Silleda). Os tres accesos de Lalín son libres de peaxe, facendo así de circunvalación exterior da vila, tamén está libre de pago o semienlace de Dozón.
Problemática da peaxe
editarO traxecto dende Santiago ata Dozón cóbrase a 6,15 € para turismos e a 8,65 € para camións tras continuas subidas dende a súa posta en servizo cando custaba 4,60 €. Estes altos prezos fan que sexa moi pouco utilizada por camións, que seguen a circular pola N-525 durante o treito de pago.
O problema da peaxe está en parte xerado pola gratuidade da autoestrada dende Lalín a Dozón, o que produce que se cobre a viaxe completa ata Dozón aínda que se saia na primeira saída de Lalín, 15 km de diferenza.
Alberto Núñez Feijóo prometeu durante a campaña electoral de 2009 rebaixar a peaxe, pero unha vez no goberno, supeditou a redución do prezo ao traspaso da autoestrada por parte de Fomento á Xunta[6]
Infraestruturas destacables
editar- Viaduto do Ulla, de 700 m de lonxitude e altura de ata 65 m.
Saídas
editar| número de saída | nome da saída | estrada coa que liga |
|---|---|---|
| Santiago de Compostela - Boqueixón - Vedra A Coruña - Vigo A Estrada - Teo |
N-525 AP-9 AC-841 | |
| A Estrada - Cacheiras | AG-59 | |
| Peaxe de Vedra | ||
| Ponte Ulla - Pontevea A Estrada |
AC-241 CP-8902 | |
| A Bandeira - Chapa A Estrada - Caldas de Reis |
N-525 N-640 | |
| Área de Servizo de Silleda | ||
| Silleda Vila de Cruces Forcarei |
N-525 PO-205 PO-2205 | |
| Peaxe de Silleda | ||
| Lalín Oeste - Polígono industrial Lalín 2000 Lugo |
N-525 N-640 | |
| Lalín Centro - Polígono industrial de Botos Forcarei Chantada O Irixo |
N-525 PO-534 PO-533 PO-902 | |
| Lalín Leste | N-525 | |
| Dozón | N-525 | |
| Fin da AP-53, pasa a ser AG-53 | AG-53 |
Notas
editar- ↑ "La autopista AP-53 rebasó por primera vez los 6.000 coches diarios durante los meses de julio y agosto", artigo en La Voz de Galicia, 29 de novembro de 2008 (en castelán).
- ↑ "La media de usuarios de la AG-53 se acerca a los 9.000 en Cea este año", artigo en La Voz de Galicia, 15 de decembro de 2009 (en castelán).
- ↑ "La apertura de la autopista constituye un enlace clave para el futuro de Silleda y Deza", artigo en La Voz de Galicia, 23 de decembro de 2002 (en castelán).
- ↑ "La autopista AP-53 reduce desde hoy a 20 minutos el viaje de Santiago a Lalín", artigo en La Voz de Galicia, 21 de decembro de 2002 (en castelán).
- ↑ "El tramo de la AP-53 entre Lalín y Dozón quedará abierto mañana al tráfico", artigo en La Voz de Galicia, 1 de xuño de 2004 (en castelán).
- ↑ "Feijoo promete rebajar en un 25% el precio del peaje en la autopista Santiago-Lalín", artigo en La Voz de Galicia, 30 de setembro de 2007 (en castelán).