Voo 370 de Malaysia Airlines
| Voo 370 de Malaysia Airlines | |
|---|---|
 9M-MRO, o aparello perdido no incidente do
voo 370, durante a súa saída do Aeroporto Roissy-Charles de Gaulle (Francia) en 2011. | |
| Resumo | |
| Data | 8 de marzo de 2014 |
| Causa | desaparecido |
| Lugar | presumiblemente no sur do océano Índico |
| Coordenadas | |
| Orixe | Kuala Lumpur |
| Destino | Pequín |
| Aeronave | |
| Tipo de aeronave | Boeing 777-200ER |
| Operador | Malaysia Airlines |
| Rexistro | 9M-MRO |
| Pasaxeiros | 227 |
| Tripulación | 12 |
O voo 370 de Malaysia Airlines (MH370,[1] tamén designado segundo un acordo de código compartido como voo 748 CZ de China Southern Airlines)[2][3] foi un voo internacional de pasaxeiros, operado por un avión Boeing 777-200ER que transportaba 227 pasaxeiros e 12 tripulantes.[4]
O voo 370 partiu da capital de Malaisia Kuala Lumpur, ás 00:41 do 8 de marzo de 2014 (hora local; UTC+8) nun voo de seis horas de duración cara á capital da China, Pequín. O centro de control de tráfico aéreo de Subang informou ás 02:40 que se perdera o contacto co aparello. As autoridades dos Estados Unidos, Australia, China, Filipinas, Indonesia, Malaisia, Singapur, Tailandia e Vietnam montaron un dispositivo de busca e rescate conxunto,[5][6] para buscaren os restos do aparello no mar da China Meridional.
O FBI investigou a posibilidade que fora un caso de terrorismo, focalizando a súa atención ao feito que cando menos dous pasaxeiros tiñan identidades falsas.[7][8][9] e o xefe da forza aérea de Malaisia, Rodzali Daud, afirmou que os sinais do radar amosan a posibilidade que a aeronave dera a volta[10], tras días de busca infrutuosa os investigadores concluíron que a aeronave desviara a súa ruta, dirixíndose cara ao oeste cruzando a península Malaia e voando durante horas despois de desaparecer do radar[11][12], dirixíndose intencionadamente cara ao Índico. O 20 de marzo, unha serie de imaxes de satélite amosaron posibles restos da aeronave no sur do Índico, ao suroeste de Austrila, incrementándose a busca nesa zona.[13] Avións militares chineses e australianos avistaron máis restos en áreas próximas o 24 de marzo.[14] baseándose en análises de investigadores da aviación británica e da compañía de satélites Inmarsat fontes do goberno malaisio e de Malaysia Airlines afirmaron que o avión caeu ao mar no sur do Índico, morrendo todos os seus ocupantes.[15]
Aparello
[editar | editar a fonte]O Boeing 777-200ER, rexistrado como 9M-MRO entrou na frota de Malaysia Airlines como un aparello novo o 31 de maio de 2002. Conta con dous motores Rolls-Royce Trent 800.[16] Anteriormente sufrira outro incidente, en terra, o 9 de agosto de 2012 no Aeroporto Internacional de Shanghai-Pudong cando unha das súas ás bateu cun Airbus A340-600 da China Eastern Airlines.[17].
Incidente
[editar | editar a fonte]O voo partiu do Aeroporto Internacional de Kuala Lumpur sen novidade aparecendo por derradeira vez no sistema de control automatizado do tráfico aéreo nas coordenadas 6°33′05″N 103°20′39″L / 6.5515, 103.3443[18], approximadamente a 100 km a NNE de Kuala Terengganu, cesando a comunicación pouco despois de pasar polo centro de control aéreo de Ho Chi Minh Area.[19][20] No tempo da súa desaparición, a aeronave tiña suficiente combustible para seguir voando sete horas e media.[21]
Reaccións
[editar | editar a fonte]A aeroliña confirmou que as operacións de busca e rescate comezaran, dous navíos de rescate chineses desprazáronse ao mar da China Meridional para colaboraren.[22] e as autoridades malaisianas tamén envieron un avión, dous helicópteros e catro navíos para participaren nos traballos de procura.[23] Filipinas tamén desprazou un avión de para axudar nos labor.[24][25] E Singapur enviou un C-130 Hercules para asistir na busca da aeronave desaparecida [24].
En 2019, o primeiro ministro de Malaisia, Mahathir bin Mohamad, subliñou que nunca renunciaría a buscar o paradoiro do avión.[26]
Pasaxe e tripulación
[editar | editar a fonte]Segundo Malaysia Airlines, o capitán do voo era un malaisiano de 53 anos cunha experiencia de 18.365 horas de voo que entrara na compañía en 1981. O primeiro oficial tamén era malaisiano, de 27 anos, con 2.763 horas de voo, e empregado desde 2007.[20]
Segundo a listaxe publicada pola aeroliña había pasaxeiros de 15 nacionalidades diferentes, todos os 12 tripulantes eran de nacionalidade malaisiana.[27]
| Nacionalidade | Pasaxeiros |
|---|---|
 Australia |
6 |
 Austria |
1 |
 Canadá |
2 |
 China |
152 |
 Francia |
4 |
 Hong Kong |
1 |
 India |
5 |
 Indonesia |
7 |
 Italia |
1 |
 Malaisia |
38 |
 Países Baixos |
1 |
 Nova Zelandia |
2 |
 Rusia |
1 |
 Taiwán |
1 |
 Ucraína |
2 |
 Estados Unidos |
3 |
| Total (15 nacionalidades) | 227 |
Notas
[editar | editar a fonte]- ↑ CBC News, "Malaysia Airlines jet missing, 2 Canadians among 239 on board", 7 de marzo de 2014
- ↑ China Southern flight CZ 748: Kuala Lumpur - Capital, Beijing, FlightMapper.net. 7 de marzo de 2014.
- ↑ "Beijing-bound flight from Malaysia missing". USA TODAY. Consultado o 7 de marzo de 2014.
- ↑ "Malaysia Airlines 'loses contact with plane'". BBC. 8 de marzo de 2014. Consultado o 8 March 2014.
- ↑ Grudgings, Stuart. "Malaysia Airlines plane crashes in South China Sea with 239 people aboard: report". Arquivado dende o orixinal o 08 de marzo de 2014. Consultado o 8 de marzo de 2014.
- ↑ Tasnim Lokman (9 de marzo de 2013). "MISSING MH370: Indonesia helps in search for airliner". New Straits Times. Arquivado dende o orixinal o 02 de abril de 2015. Consultado o 9 de marzo de 2014.
- ↑ "Passengers with stolen passports on board Malaysia Airlines flight". Malaysia Sun. Arquivado dende o orixinal o 09 de marzo de 2014. Consultado o 8 de marzo de 2014.
- ↑ DiBlasio, Natalie and Kevin Johnson (8 de marzo de 2014). "Reports: U.S. investigating terror concerns in missing jet". Lancaster Gazette. Arquivado dende o orixinal o 09 de marzo de 2014. Consultado o 9 de marzo de 2014.
- ↑ "Reports: FBI prepared to join investigation of missing Malaysia Airlines plane". circa. 9 de marzo de 2014. Arquivado dende o orixinal o 09 de marzo de 2014. Consultado o 9 de marzo 2014.
- ↑ "Reports: Missing Malaysia Airlines plane 'may have turned back'". BBC News. 9 de marzo de 2014. Consultado o 9 de marzo de 2014.
- ↑ Andy Pasztor Missing Airplane Flew On for Hours The Wall Street Journal, 12 de marzo de 2014.
- ↑ Bob Orr Did Malaysian plane fly toward Indian Ocean after last contact? CBS News, 13 de marzo de 2014
- ↑ The Sydney Morning Herald, ed. (20 de marzo de 2014). "Missing Malaysia Airlines plane: Debris found in search for MH370, says Australian Prime Minister Tony Abbott". Consultado o 20 de marzo de 2014.
- ↑ Pearson, Michael; Mullen, Jethro. "Flight 370 passenger's relative: 'All lives are lost'". CNN.com. Consultado o 24 de marzo de 2014.
- ↑ Branigan, Tania (24 de marzo de 2014). The Guardian, ed. "Missing flight MH370 lost in southern Indian Ocean, says Malaysian PM". Consultado o 24 de marzo de 2014.
- ↑ "Malaysia Airlines 9M-MRO (Boeing 777 - MSN 28420)". Airfleets. Consultado o 7 de marzo de 2014.
- ↑ "ASN Aircraft accident 09-AUG-2012 Boeing 777-2H6ER 9M-MRO". Aviation Safety Networks. Arquivado dende o orixinal o 20 de setembro de 2019. Consultado o 7 de marzo de 2014.
- ↑ Malaysian Airlines. "04:20 PM MYT +0800 Malaysia Airlines MH370 Flight Incident - 4th Media Statement". Malaysian Airlines. Arquivado dende o orixinal o 08 de marzo de 2014. Consultado o 8 de marzo de 2014.
- ↑ "Malaysian Airlines System (MH) #370 ✈ 08-Mar-2014 ✈ WMKK / KUL - ZBAA / PEK ✈". flightaware. Consultado o 8 de marzo de 2014.
- ↑ 20,0 20,1 "MH370 Flight Incident". Malaysian Airlines. Arquivado dende o orixinal o 08 de marzo de 2014. Consultado o 8 de marzo de 2014.
- ↑ Malaysia Airlines loses contact with jet carrying 239 people; cnn; 8 de marzo de 2014.
- ↑ Search launched for Malaysian airliner Arquivado 08 de marzo de 2014 en Wayback Machine. KTVZ
- ↑ Vietnam, Malaysia mount search for plane Arquivado 08 de marzo de 2014 en Wayback Machine. - Sky News Australia
- ↑ 24,0 24,1 "Malaysia Airlines missing flight: Live Report". Yahoo News (en inglés). 8 de marzo de 2014. Arquivado dende o orixinal o 08 de marzo de 2014. Consultado o 8 de maro de 2014.
- ↑ "PH joins SE Asia search for Malaysian plane". Rappler.com. 8 de marzo de 2014. Consultado o 8 de marzo de 2014.
- ↑ "MH370: Malaysian Prime Minister commits to continuing search". www.9news.com.au. 2019-03-03.
- ↑ "MH370 Flight Incident". Malaysian Airlines. 8 de marzo de 2014. Arquivado dende o orixinal o 08 de marzo de 2014. Consultado o 08 de marzo de 2014.
