The Ocean Race

The Ocean Race

Tipo	evento deportivo recorrente
Deporte	vela
Localización  e  Datas
Localización	Alacant (Alacantí) 38°20′43″N 0°28′59″O / 38.3453, -0.4831
País	Suecia
Vixencia	1973 –
Outro
Páxina web oficial	volvooceanrace.com…

A The Ocean Race, chamada entre 2001 e 2019 Volvo Ocean Race, é unha regata de embarcacións a vela que dá a volta completa ao mundo. Está organizada polo fabricante sueco de automóbiles Volvo e ata a edición de 2005 sempre fixera a saída inaugural de portos británicos: o 12 de novembro dese ano, saíu de Vigo apadriñada por el-Rei Xoán Carlos I, aínda que os veleiros estivesen previamente atracados no porto de Sanxenxo. A organización da regata foi subvencionada con 15.000.000 euros por parte de Xunta de Galicia.

As embarcacións que participan na proba pertencen todas ao mesmo modelo, o Volvo Open 70, con pequenas variacións nos materiais e en aspectos mínimos do deseño dependendo dos fabricantes.

A proba desenvólvese por tiradas, que van combinando percorridos en mar aberto, que poden durar entre unha semana e mes e medio de navegación, con regatas en porto ou nas súas proximidades, que duran media xornada.

Na edición de 2005-06 houbo unha dobre participación galega. Dunha banda o coruñés Chuny Bermúdez navegou embarcado na tripulación brasileira do Brasil 1. A súa embarcación quedou na terceira posición no final.

Por outra parte, a embarcación española do Movistar estaba patroneada por Pedro Campos e contou en tres tiradas coa participación do pontevedrés Fernando Echavarri. O Movistar sufriu unha grave avaría na tirada que cruzaba o Atlántico con destino en Portsmouth e a tripulación abandonou o barco, que desapareceu ao oeste de Irlanda.

A edición de 2008 saíu do porto de Alacant. Tamén foi inaugurada polo rei de España.

Equipo	Número de Vela.	Nacionalidade	Deseñador	construtor	Patrón
Ericsson Racing Team Ericsson 3	SWE 3	Suecia	Juan Kouyoumdjian	Killian Bushe	Anders Lewander
Ericsson Racing Team Ericsson 4	SWE 4	Suecia	Juan Kouyoumdjian	Killian Bushe	Torben Grael
Green Dragon Racing Team Green Dragon	IRL 888	Irlanda	Reichel Pugh	McConaghy Boats	Ian Walker
Puma Racing Team Il Mostro	-	Estados Unidos	Botin Carkeek	Goetz Custom Boats & Customline Yachts	Ken Read
Team Delta Lloyd	NED 1	Países Baixos	Juan Kouyoumdjian	Killian Bushe	Ger O'Rourke
Team Russia (Sponsor: WDCS) Kosatka	RUS 1	Rusia	Humphreys Yacht Design	Green Marine	Andreas Hanakamp
Telefonica Blue S.A.R. Elena	ESP 12	España	Farr Yacht Design	King Marine	Bouwe Bekking
Telefonica Black S.A.R. Cristina	ESP 11	España	Farr Yacht Design	Southern Ocean Marine	Fernando Echavarri

Evento[1]	Data de comezo	Saída	Chegada	Distancia (mn)	Ganador
Regata 1	4 de outubro de 2008	Alacant		-	Telefonica Blue
Etapa 1	11 de outubro de 2008	Alacant	Cidade do Cabo	6,500	Ericsson 4
Etapa 2	15 de novembro de 2008	Cidade do Cabo	Kochi	4,450	Ericsson 4
Etapa 3	13 de decembro de 2008	Kochi	Singapur	1,950	TBD
Regata 2	10 de xaneiro de 2009	Singapur		-	TBD
Etapa 4	18 de xaneiro de 2009	Singapur	Qingdao	2,500	TBD
Regata 3	7 de febreiro de 2009	Qingdao		-	TBD
Etapa 5	14 de febreiro de 2009	Qingdao	Río de Xaneiro	12,300	TBD
Regata 4	4 de abril de 2009	Río de Xaneiro		-	TBD
Etapa 6	11 de abril de 2009	Río de Xaneiro	Boston	4,900	TBD
Regata 5	9 de maio de 2009	Boston		-	TBD
Etapa 7	16 de maio de 2009	Boston	Galway	2,550	TBD
Regata 6	30 de maio de 2009	Galway		-	TBD
Etapa 8	6 de xuño de 2009	Galway	Marstrand	950	TBD
Etapa 9	14 de xuño de 2009	Marstrand	Estocolmo	525	TBD
Regata 7	21 de xuño de 2009	Estocolmo		-	TBD
Etapa 10	25 de xuño de 2009	Estocolmo	San Petersburgo	370	TBD

A ruta tamén inclúe sete "metas voantes" (en Fernando de Noronha, Mauricio, Pulau We Indonesia, Latitude 36S, Cabo de Fornos, Fernando de Noronha e St Johns de Terra Nova). Os barcos obteñen a metade da puntuación nestas metas voantes o igual que nas InPort Races.

Commons ten máis contidos multimedia sobre:  The Ocean Race

• Web oficial