Tenebrionoidea

Tenebrionoidea
Tenebrionoidea de Europa Central con detalles anatómicos
Clasificación científica
Reino: Animalia Filo: Arthropoda Clase: Insecta Orde: Coleoptera Suborde: Polyphaga Infraorde: Cucujiformia Superfamilia: Tenebrionoidea Latreille, 1802
Familias
Ver texto.

Os Tenebrionoidea (tenebrionoideos) son unha superfamilia moi grande e diversa de escaravellos.^[1] Xeralmente corresponde aos Heteromera de autores máis antigos.

Tenebrionoidea contén as seguintes familias:

• Aderidae Winkler 1927
• Anthicidae Latreille 1819
• †Apotomouridae Bao et al. 2018
• Archeocrypticidae Kaszab 1964
• Boridae C. G. Thomson 1859
• Chalcodryidae Watt 1974
• Ciidae Leach 1819 (= Cisidae)
• Melandryidae Leach 1815
• Meloidae Gyllenhal 1810
• Mordellidae Latreille 1802
• Mycetophagidae Leach 1815
• Mycteridae Blanchard 1845
• Oedemeridae Latreille 1810
• Promecheilidae Lacordaire, 1859
• Prostomidae C. G. Thomson 1859
• Pterogeniidae Crowson 1953
• Pyrochroidae Latreille 1807
• Pythidae Solier 1834
• Ripiphoridae Gemminger e Harold 1870
• Salpingidae Leach 1815
• Scraptiidae Mulsant 1856
• Stenotrachelidae C. G. Thomson 1859 (= Cephaloidae)
• Synchroidae Lacordaire 1859
• Tenebrionidae Latreille 1802
• Tetratomidae Billberg 1820
• Trictenotomidae Blanchard 1845
• Ulodidae Pascoe 1869
• Zopheridae Solier 1834

A familia máis grande con diferenza é a dos Tenebrionidae, que en 2014 tiña aproximadamente 20 000 especies descritas e case dous terzos da riqueza de especies da supderfamilia.^[2]

Os Tenebrionoidea mostran unha gama de diferentes morfoloxías. Porén, unha característica da maioría dos adultos é que teñen 5 tarsómeros nas patas dianteiras e medias e 4 nas traseiras (fórmula tarsal 5-5-4). Ocasionalmente, os machos teñen unha fórmula tarsal reducida a 4-4-4, 3-3-3 ou 3-4-4.^[2]

Os tenebrionoideos larvarios poden distinguirse por varias características da cabeza: unha gula que diverxe posteriormente con beiras gulares ben desenvolvidas, brazos tentoriais posteriores desprazados anteriormente, mandíbulas asimétricas, o músculo craniocardinal vestixial ou ausente e o músculo tentoriofarinxeo posterior subdividido en varios feixes. O corpo adoita ser subparalelo e lixeiramene aplanado, pero outras formas evolucionaron para axeitarse a diferentes necesidades, como ter forma cilíndrica nas larvas perforadoras, ser fortemente aplanado en larvas que viven baixo as codias e ter forma de C ou parecida a un verme para larvas con estratexias de desenvolvemento especializadas (por exemplo, as larvas post-triungulinas de Ripiphoridae e Meloidae).^[1]

Moitas familias de Tenebrionoidea comen fungos, pero hai unha ampla variedade de estratexias de alimentación no grupo, como comer madeira ou material vexetal en descomposición, comer pole (como en moitos Oedemeridae e Anthicidae), e actuar como ectoparasitoidee doutros insectos (nos Ripiphoridae). Un pequeno número de especies son predadoras ou comen tecidos vexetais vivos.^[2]

Os Tenebrionoidea mostran unha particular diversidade en ambientes áridos.^[2] Unha adaptación que presentan algúns (por exemplo, Onymacris unguicularis) é a capacidade de recoller auga da néboa para poder beber.^[3]

Wikimedia Commons ten máis contidos multimedia na categoría:  Tenebrionoidea

Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.