Quimperlé

Quimperlé
Localización
	47°52′22″N 3°32′59″O / 47.8728, -3.5497
Estado	Francia
Divisións administrativas	Francia Metropolitana
Defense and Security zone of France (en)	Western defense and security zone (en)
Rexións	Bretaña
Departamento	Finistère
Capital de	canton of Quimperlé (en) (2015–)
Poboación
Poboación	12.313 (2021) (388,06 hab./km²)
Xeografía
Situado na entidade territorial estatística	Q108921712 ; Q114359662
Superficie	31,73 km²
Altitude	35 m-2 m-83 m
Comparte fronteira con	Guidel ; Moëlan-sur-Mer ; Rédené ; Mellac ; Baye ; Clohars-Carnoët ; Tréméven
Organización política
• Alcalde	Michaël Quernez (en) (2014–)
Identificador descritivo
Código postal	29300
Fuso horario	UTC+01:00, horario estándar; UTC+02:00, horario de verán
Outro
Irmandado con	Geilenkirchen
Sitio web	quimperle.bzh

Quimperlé (Kemperle en bretón),^[1] é unha comuna francesa do departamento de Finistère, na rexión da Bretaña.

Xeografía

Qumimperlé está situada no sueste do departamento de Finistère, a 19,7 km de Lorient e a 44 km de Quimper.

O nome Quimperlé ven de "kemper", que significa confluencia en bretón, e de "Ellé", un dos ríos que atravesan a localidade. Efectivamente, o Ellé e o Isole conflúen á altura de Quimperlé para dar lugar a La Laïta, unha ría de 15 km que foi navegábel noutro tempo e que permitiu a aparición dun porto en Quimperlé.

A nivel urbano distínguese claramente a cidade baixa, situada na confluencia dos ríos e polarizada historicamente pola abadía da Sainte-Croix, da cidade alta, xurdida ao redor da igrexa de Saint-Michel.

Demografía

Serie de poboación histórica de Quimperlé
(Fonte/s: INSEE)
Ano	1793	1800	1851	1901	1936	1954	1968	1975	1990	2007	2012
Poboación	4 549	5 617	6 114	9 036	9 335	10 030	10 698	10 907	10 748	10 877	12 052

Historia

Durante a Alta Idade Media debeu existir un primeiro asentamento bretón que foi destruído no ano 868 debido a unha incursión normanda. A cidade, unha vez reconstruída, tomou o nome actual.

Segundo a tradición, o 14 de setembro de 1029 foi fundada a abadía beneditina da Sainte-Croix, que se arrequeceu rapidamente e espertou a cobiza dos condes de Cornualla e despois dos duques da Bretaña. Non en van o xeógrafo árabe Al Idrisí aseguraba en 1154 que "Kimberlik" era «unha cidade ben situada, pequena e animada, que posúe mercados activos e moitas industrias». No século XIII o duque Xoán I o Vermello mandou construír unha muralla para protexer a cidade baixa.

Durante o século XVI Quimperlé non se librou das perturbacións orixinadas polas guerras de relixión francesas, e incluso chegou a ser brevemente ocupada en 1594 polo exército español comandado por Juan del Águila. No século XVIII o comercio marítimo debilitouse debido á sedimentación na La Laïta, porén a actividade industrial aumentou, impulso que se acentuaría no século XIX.