Presidente de Serbia

O Presidente da República de Serbia ostenta a xefatura deste Estado.

O actual Presidente de Serbia, dende o 2017 é Aleksandar Vučić.

O Presidente da República Serbia:

• Exerce un mandato de cinco anos.
• Pode ser reelixido nun segundo mandato.
• Posúe inmunidade, outorgada pola Asemblea Nacional.
• Disolve a Asemblea Nacional e o Goberno de Serbia.
• Declara os estados de emerxencia.
• Convoca as eleccións.
• Ostenta a representación do Estado.
• Outorga condecoracións e premios.
• Capacidade de veto sobre as leis aprobadas pola Asemblea Nacional, requirindo unha segunda votación do parlamento para a súa entrada en vigor.

Até a disolución da Confederación de Serbia e Montenegro, o Presidente de Serbia era membro do Consello Supremo de Defensa de Serbia e Montenegro, que estaba presidido polo Presidente da Confederación.

O Presidente do Parlamento serbio asume a presidencia interina se o Presidente da República abandona o cargo.

• Presidentes electos:

1. Slobodan Milošević (8 de maio de 1989 - 23 de xullo de 1997) - dous mandatos
2. Milan Milutinović (29 de decembro de 1997 - 29 de decembro de 2002) - un mandato
3. Boris Tadić (11 de xullo de 2004- 5 de abril de 2012) - dous mandatos
4. Tomislav Nikolić (31 de maio de 2012- 31 de maio de 2017) - un mandato
5. Aleksandar Vučić (31 de maio de 2017 - presente)

• Presidentes interinos:

1. Dragan Tomić (23 de xullo - 29 de decembro de 1997)
2. Nataša Mićić (30 de decembro de 2002 - 4 de febreiro de 2004)
3. Dragan Maršićanin (4 de febreiro - 3 de marzo de 2004)
4. Vojislav Mihailović (3-4 de marzo de 2004)
5. Predrag Marković (4 de marzo - 11 de xullo de 2004)
6. Slavica Đukić Dejanović (5 de abril - 31 de maio de 2012)