[go: up one dir, main page]
Saltar ao contido

Presidencia

Editar as ligazóns
Na Galipedia, a Wikipedia en galego.
(Redirección desde «Presidente»)

A presidencia é un cargo que ostentan os líderes de organizacións, empresas e entidades políticas. Etimoloxicamente, presidencia vén do latín prae- 'antes' e sedere 'sentar'. Orixinalmente o termo referíase a quen presidía unha cerimonia ou asemblea, mais hoxe en día o termo refírese a unha persoa que ten poderes executivos.

Presidencia da República

[editar | editar a fonte]

Nunha república, a xefatura de Estado acostuma a recibir o nome de presidente desa república. Nalgúns países con goberno presidencialista a presidencia é tamén a xefatura de goberno (ex: Arxentina, Estados Unidos), namentres, noutros con réxime parlamentario (ex: Italia) a xefatura de goberno recae no Primeiro Ministro.

Os presidentes pódense distinguir segundo as súas funcións e poderes do seguinte xeito:

  • Cando cumpren só o papel de xefe de Estado: así funcionan as repúblicas parlamentarias. Nesta forma de goberno, o presidente nomea ao primeiro ministro segundo o apoio do Parlamento e carece de funcións executivas. Só asina as leis e decretos aprobados polo Consello de Ministros e ten capacidade para disolver o parlamento, previo acordo co primeiro ministro. O presidente cumpre a función de representar o Estado e as funcións de protocolo asociadas. Son elixidos por sufraxio directo ou indirectamente polo parlamento ou por unha asemblea electoral formada para tal efecto. Normalmente existen en países que pasaron dunha monarquía a unha república.
  • Cando, ademais das funcións do xefe de Estado, ten algún poder executivo que pertence ao seu campo de acción exclusivo ou as comparte co primeiro ministro: isto corresponde a formas de goberno semipresidencialistas ou semiparlamentarias, como en Francia. Nestes sistemas, o presidente ten un papel importante na dirección das relacións exteriores e da defensa nacional, o poder de convocar plebiscitos e disolver o parlamento por iniciativa propia, e tamén é o garante da orde constitucional. Normalmente son elixidos por sufraxio universal.
  • Cando é xefe de Estado e xefe de goberno: neste caso o presidente nomea ou designa exclusivamente a todos os membros do goberno. Estes réximes políticos chámanse presidencialistas, neles normalmente hai unha clara división de poderes e os presidentes non teñen capacidade para disolver o Congreso, aínda que ás veces son tamén co-lexisladores. Xorde nos Estados Unidos (1787) e é a forma de goberno dos estados do continente americano, agás no Canadá e boa parte do Caribe que teñen un réxime parlamentario. Son elixidos por sufraxio directo na maioría dos países, como a Arxentina, o Brasil, Chile, Colombia, Ecuador, México, o Uruguai e Venezuela, ou indirectamente como nos Estados Unidos, a través dun colexio electoral.

Presidencia do Goberno

[editar | editar a fonte]

Nalgúns países con monarquía parlamentaria, o xefe de goberno recibe o título de presidente do Goberno. É o caso de España.

Lista de presidencias

[editar | editar a fonte]

África

[editar | editar a fonte]

América

[editar | editar a fonte]

Asia

[editar | editar a fonte]

Europa

[editar | editar a fonte]

Oceanía

[editar | editar a fonte]
Este artigo tan só é un bosquexo
 Este artigo sobre política é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.
Traído desde «https://gl.wikipedia.org/w/index.php?title=Presidencia&oldid=6761208»