Púlpito

Púlpito^[1] é a plataforma pequena e elevada, nunha igrexa, desde a que o eclesiástico predica ou dirixe os rezos. Tamén recibe o nome de cátedra do Espírito Santo^[2].

Ambón é cada un dos dous púlpitos das antigas igrexas cristiás, situados aos dous lados do altar maior usados para proclamar as Lecturas.

Dispoñen de antepeito ou peitoril e dosel de resonancia ou baldaquino superior. Os púlpitos utilizáronse nas primitivas igrexas ou basílicas chamándose precisamente ambóns. Dispoñíanse á entrada do coro a xeito de tribuna rectangular sobre unha plataforma de pouca elevación, á cal se subía por bancadas laterais e neles cantábase a epístola e mailo Evanxeo nas Misas solemnes e anunciábanse ao pobo as festas. Os ambóns continuaron con maior ou menor amplitude e elevación até o século XIV no que se foi adoptando o actual sistema de púlpitos, os cales na época oxival e o período plateresco tenden máis á forma hexagonal con enfeites en todas as épocas con elementos propios do estilo en curso. O dosel de resonancia utilízase dende o século XVI.^[3]

Áchanse achegados ao altar, xeralmente acaroados a un dos soportes da nave principal do templo. Actualmente úsanse pouco, pois as normas litúrxicas vixentes recomendan que a homilía, como parte integrante da Misa, dígase dende o presbiterio, xunto ao altar.

• 
  Púlpito na Catedral de Santiago de Compostela.
• 
  Púlpito gótico de Nicola Pisano na Catedral de Siena (Italia).
• 
  Un púlpito moderno na candea dunha igrexa presbiteriana en California
• 
  Púlpito na capela do Scotch College en Melbourne
• 
  Púlpito exterior de Giovanni da Capistrano, Viena Austria
• 
  Púlpito en Jakobskirken, Roskilde, Dinamarca.
• 
  Púlpito polícromo do barroco serodio na igrexa dos Santos Filipe e Xacobe, Bergatreute
• 
  Púlpito do s. XVIII serodio nunha igrexa en Spielfeld, Styria, Austria
• 
  Púlpito de Henrique II (1014) na Catedral de Aquisgrán, Alemaña
• 
  Púlpito na antiga igrexa de Enånger en Suecia
• 
  Púlpito de terracota en Pieve delle Sante Flora e Lucilla en Santa Fiora, Italia
• 
  Púlpito de pedra na Igrexa de San Bertomeu en Pantano Pistoia Italia
• 
  Púlpito na Catedral de San Xoán Bautista en Yaroslavl, Rusia (s. XVII)
• 
  Púlpito de pedra na catedral de Worcester Reino Unido
• 
  Púlpito de madeira na Igrexa do Espírito Santo en Tallin, Estonia
• 
  Púlpito barroco na Igrexa de Santa Ana en Cracovia, Polonia
• 
  Púlpito barroco na Catedral de Amiens, Francia
• 
  Púlpito barroco novohispano de madeira da Basílica de San Xosé e Nosa Señora do Sagrado Corazón, na Cidade de México, México