Murénidos

Murénidos
Muraenidae
Rango fósil: mioceno - actualidade ^[1]

Muraena helena no Aquarium Finisterrae

Reino:	Animalia
Filo:	Chordata
Subfilo:	Vertebrata
Infrafilo:	Gnathostomata
Superclase:	Osteichthyes
Clase:	Actinopterygii
Subclase:	Neopterygii
Infraclase:	Teleostei
Superorde:	Elopomorpha
Orde:	Anguilliformes
Suborde:	Muraenoidei
Familia:	Muraenidae Rafinesque, 1810

Xéneros

Véxase o texto

Mandíbulas externas e farínxeas dun murénido.

A dos murénidos (Muraenidae) é unha familia de peixes teleósteos da orde dos angüiliformes coñecidos vulgarmente como moreas, que habitan en augas tropicais e subtropicais de todo o mundo.

Características

Teñen o corpo serpentiforme, que chega a medir até 150 cm, e carecen normalmente de aletas pectorais e pelvianas; a aleta dorsal nace na parte posterior da cabeza e se estende por todo o dorso, uníndose coa aleta caudal.

A cabeza é longa, e está dotada de fortes mandíbulas adaptadas á captura das súas presas. Os ollos son pequenos, ao igual que as branquias.

Carecen de escamas, e a mucosa que cobre o corpo é tóxica en moitas especies.

A coloración é irregular para favorecer a cripse.

Hábitat e bioloxía

Habitan en arrecifes coralinos e zonas costeiras rochosas, o que lles permite, grazas ao seu corpo serpiforme, axexar ás súas presas desde as fendas onde se agochan.

Son voraces predadores, alimentándose doutros peixes, cefalópodos e crustáceos. Outras moreas e meros encóntranse entre os seus escasos depredadores.

Adoitan seren moi agresivas e aínda que a súa mordedura non é velenosa si é moi dolorosa.

Clasificación

A familia componse de dúas subfamilias e quince xéneros recoñecidos:^[2]^[3]

Familia Muraenidae
- Subfamilia Muraeninae
  - Echidna Forster, 1777
  - Enchelycore Kaup, 1856
  - Enchelynassa Kaup, 1855
  - Gymnomuraena Lacepède, 1803
  - Gymnothorax Bloch, 1795
  - Monopenchelys Böhlke & McCosker, 1982
  - Muraena Linnaeus, 1758
  - Pseudechidna Bleeker, 1863
  - Rhinomuraena Garman, 1888
  - Strophidon McClelland, 1844
- Subfamilia Muraeninae incertae sedis ^[3]
  - Leptocephalus
    - Leptocehalus erythraeus D'Ancona, 1928
    - Leptocephalus grassianus D'Ancona, 1928
    - Leptocephalus muraenoides D'Ancona, 1928
- Subfamilia Uropterygiinae
  - Anarchias Jordan & Starks in Jordan & Seale, 1906
  - Channomuraena Richardson, 1848
  - Cirrimaxilla Chen & Shao, 1995
  - Scuticaria Jordan & Snyder, 1901
  - Uropterygius Rüppell, 1838