Loligo

Loligo é un xénero de moluscos cefalópodos coleoideos decapodiformes miópsidos, o tipo da familia dos lolixínidos.^[1]

Segundo o World Register of Marine Species e outras autoridades, o xénero está formado por tan só tres especies de luras, amplamente distribuídas por diversos mares e que son obxecto de activa pesca debido á gran calidade da súa carne.

O xénero foi descrito por primeira vez en 1798 polo naturalista francés Jean-Baptiste Lamarck.^[1]

Porén, o nome fora xa utilizado antes (Schneider, 1784; Linnaeus, 1758) e quizais podería telo usado Plinio o Vello. A principios do século XIX este nome xenérico era de uso frecuente para designar ao grupo das luras propiamente ditas.

Lamarck tirou o nome científico Loligo do latín lōlīgō (ou lōllīgō), -īnis, 'lura'.^[2][3]

Ademais de polo nome Loligo, o xénero coñeceuse tamén polos sinónimos:

Segundo o WoRMS:^[1]

• Pteroteuthis Blainville, 1824

Segundo o ITIS:^[4]

• Alloteuthis Wülker, 1920
• Acrololigo Grimpe, 1921
• Acroteuthis Berry, 1913
• Acruroteuthis Berry, 1920
• Doryteuthis Naef, 1912
• Pteroteuthis Ehrenberg, 1831

O ITIS considera, dentro do xénero, os seguintes tres subxéneros:^[4]

• Loligo (Alloteuthis) Wülker, 1920
• Loligo (Doryteuthis) Naef, 1912
• Loligo (Loligo) Lamarck, 1798

Segundo as recentes clasificacións do WoRMS,^[1] o Tree of Life Web Projet,^[5] e Vecchione et al.,^[6] recoñécense unicamente tres especies dentro do xénero:

• Loligo forbesii Steenstrup, 1857, a lura colorada.^[7]
• Loligo reynaudii d'Orbigny, 1835, a lura do Cabo.^[7]
• Loligo vulgaris Lamarck, 1798, a lura común,^[7] lura europea, ou lura propiamente dita.^[8]

Porén, outros autores recoñecen moitas máis especies. A xeito de exemplo, o ITIS considera as seguintes:^[4]

• Loligo bleekeri Keferstein, 1866
• Loligo forbesii Steenstrup, 1856
• Loligo gahi D'Orbigny, 1835, a lura da Patagonia.^[7]
• Loligo ocula Cohen, 1976
• Loligo opalescens Berry, 1911, a lura de Monterrei.^[7]
• Loligo pealeii Lesueur, 1821, a lura de Boston.^[9]
• Loligo pickfordi (Adam, 1954)
• Loligo plei Blainville, 1823, a lura frecha.^[7]
• Loligo roperi Cohen, 1976
• Loligo sanpaulensis Brakoniecki, 1984, a lura de São Paulo.^[7]
• Loligo surinamensis Voss, 1974
• Loligo vietnamensis Nguyen, 1994

Toda a taxonomía dos moluscos está hoxe en contyroveris. Polo que respecta ao xénero que nos ocupa, a súa posición sistemática é a seguinte:

Para o WoRMS:^[1]

• Clase Cephalopoda Cuvier, 1795
  • Subclase Coleoidea Bather, 1888
    • Superorde Decapodiformes Young, Vecchione & Donovan, 1998
      • Orde Myopsida d'Orbigny, 1841
        • Familia LoliginidaeLesueur, 1821
          • Xénero Loligo Lamarck, 1798

Para o ITIS:^[4]

• Clase Cephalopoda Cuvier, 1797
  • Subclase Coleoidea Bather, 1888
    • Superorde Decabrachia Boettger, 1952
      • Orde Teuthida Naef, 1916
        • Suborde Myopsina d'Orbigny, 1841
          • Familia Loliginidae Lesueur, 1821
            • Xénero Loligo Lamarck, 1798

Como vemos, as principais diferenzas son as de consideraren o grupo dos Myopsida como orde (no canto de Teuthida), ou como suborde desta (Myopsina).

• 
  Loligo bleekeri
  (Heterololigo bleekeri segundo o WoRMS)
• 
  Loligo forbesii
• 
  Loligo opalescens
  (Doryteuthis opalescens segundo o WoRMS)
• 
  Loligo vulgaris
• 
  Loligo media
  (Alloteuthis media segundo o WoRMS)
• 
  Loligo plei
  (Doryteuthis pleii segundo o WoRMS)
• 
  Exemplares de Loligo vulgaris no Aquarium Finisterrae da Coruña
• 
  Loiligo vulgaris capturando un espécime de Sparus aurata
• 
  Ovos de Loligo vulgaris

Wikimedia Commons ten máis contidos multimedia na categoría:  Loligo

Wikispecies posúe unha páxina sobre:  Loligo

• Brusca, R. C. & Brusca, G. J. (2005): Invertebrados, 2ª ed. Madrid: McGraw-Hill Interamericana de España. ISBN 0-87893-097-3.
• D'Ancona, Humberto (1972): "Moluscos" en Tratado de zoología. Tomo II. Zoología especial. Barcelona: Editorial Labor, S. A., pp. 729–763.
• Frings, H. e Frings, M. (1975): Conceptos de Zoología. Madrid: Editorial Alhambra. ISBN 84-205-0505-6.
• Grassé, P.-P., E. A. Poisson e O. Tuzet (1976): Invertebrados. (En Grassé, P.-P., Zoología, vol. 1). Barcelona: Toray-Masson. ISBN 84-311-0200-4.
• Hickman, C. P., W. C. Ober e C. W. Garrison (2006): Principios integrales de zoología, 13ª ed. Madrid: McGraw-Hill Interamericana. ISBN 84-481-4528-3.
• Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8.
• Meglitsch, P. A. (1986): Zoología de invertebrados, 2ª ed. Madrid: Ed. Pirámide. ISBN 84-368-0316-7.
• Ramonell, Rosa (1985): Guía de los mariscos de Galicia. Vigo: Galaxia. ISBN 84-7154-506-3.
• Rolán, Emilio e Otero-Schmitt, Jorge (1996): Guía dos moluscos de Galicia. Vigo: Editorial Galaxia. ISBN 978-84-8288-072-3.
• Remane, A., Storch, V. e Welsch, U. (1980): "Mollusca (Moluscos)", en Zoología sistemática. Clasificación del reino animal. Barcelona: Ediciones Omega. ISBN 84-282-0608-2, pp. 121–169.
• VV. AA. (1968): "Moluscos" en: Enciclopedia Salvat de las ciencias. Tomo 4. Animales invertebrados. Pamplona: Salvat, S. A. de Ediciones, pp. 248–293.

• Moluscos
• Cefalópodos
• Coleoideos
• Decapodiformes
• Téutidos

• Loligo Lamarck, 1798 no ITIS.
• Loligo Arquivado 12 de maio de 2016 en Wayback Machine. en Tree of Life.
• Loligo na ADW.
• Loligo na EOL.