Osetia[1] (tamén coñecida como Ossetia[2] ou Iristán, nome orixinal, xa que oset- ven do xeorxiano, e é así coma os xeorxianos denominan aos alanos ou ironís) é unha rexión do Norte do Cáucaso habitada polos osetos, que falan oseto. O actual territorio de Osetia atópase dividido entre Osetia do Norte-Alania (Rusia) e Osetia do Sur (Xeorxia). Os osetos son un pobo diferente do ruso e do xeorxiano.
En 1989, tras a caída da Unión Soviética, Osetia do Sur autodeclarouse unida a Osetia do Norte. O goberno de Xeorxia non estivo de acordo e comezou unha guerra civil. Calcúlase que arredor de 100.000 osetos do sur (a metade da poboación antes da guerra) ten emigrado á parte norte. No conflito, Xeorxia ten recibido o apoio dos Estados Unidos mentres que Osetia do Sur recibiu o de Rusia. Actualmente Osetia do Sur é un estado independente de facto.
