Joseph Sabine
  | |
| Biografía | |
|---|---|
| Nacemento | 6 de xuño de 1770 Hertfordshire, Reino Unido |
| Morte | 24 de xaneiro de 1837 (66 anos) Londres (Reino Unido) |
| Lugar de sepultura | cemiterio de Kensal Green |
| Actividade | |
| Campo de traballo | Botánica |
| Ocupación | botánico, zoólogo |
| Empregador | Sociedade Linneana de Londres |
| Membro de | |
| Obra | |
| Abreviación dun autor en botánica | Sabine |
| Familia | |
| Pais | Joseph Sabine e Sarah Hunt |
| Premios | |
| Descrito pola fonte | Dictionary of National Biography |
Joseph Sabine, nado o 6 de xuño de 1770 en Tewein, Hertfordshire (Reino Unido), e finado o 24 de xaneiro de 1837 en Londres, foi un avogado e naturalista inglés.
Traxectoria
[editar | editar a fonte]Joseph Sabine naceu no seo dunha prominente familia anglo-irlandesa en Tewin, Hertfordshire. Era o fillo máis vello de Joseph Sabine. Seu irmán máis novo foi Sir Edward Sabine.[1]
Practicou o dereito até 1808, cando foi nomeado inspector xeral de impostos, posto que ocupou até 1835.[1]
Durante toda a súa vida foi un apaixonado da historia natural. Ademais das súas actividades en horticultura e das súas investigacións en botánica, foi un ornitólogo reputado.[1]
Tivo un interese permanente na historia natural, e foi un dos primeiros membros da Sociedade Linneana de Londres elixido o 7 de novembro de 1779. Foi secretario honorario da Royal Horticultural Society de 1810 a 1830, e tesoureiro, e recibiu a súa medalla de ouro por organizar as contas, que deixara nun estado de desorde Richard Anthony Salisbury. Dirixiu o establecemento dos xardíns da Sociedade en Hammersmith, e despois en Chiswick. Enviou a David Douglas e a outros membros a recolectar espécimes e iniciou sociedades locais como extensións da Sociedade. Contribuíu con ao rededor de corenta artigos sobre flores e hortalizas para as súas Transactions. Seu manexo das contas levouno a grandes débedas, e dspois dunha ameaza de censura por parte dun comité, renunciou en 1830.[1]
Despois, Sabine centrouse no cargo de secretario e vicepresidente da Sociedade Zoolóxica de Londres, aumentando significativamente a súa colección de animais. Foi unha autoridade recoñecida sobre a muda, migración e costumes das aves británicas.[1]
Foi elixido membro da Royal Society en novembro de 1799.[2]
Seu irmán Edward Sabine foi un dos membros da viaxe polo Ártico de John Ross en 1818. Enviou a Joseph un exemplar dunha nova gaivota que fora descuberta durante a expedición, á que Joseph chamou a gaivota de Sabine (Larus sabini) na honra do seu irmán.
Joseph Sabine morreu en Londres o 24 de xaneiro de 1837, e foi soterrado no cemiterio de Kensal Green o 1 de febreiro.[1]
Publicación seleccionada
[editar | editar a fonte]- Sabine, Joseph (1830): "An Account and Description of the Species and most remarkable Varieties of Spring Crocuses, cultivated in the Garden of the Horticultural Society. January 6, 1829". Transactions of the Horticultural Society of London. 7: 419–432.
Honores
[editar | editar a fonte]- (Fabaceae) Sabinea DC.
Abreviaturas
[editar | editar a fonte]- A abreviatura Sabine emprégase para indicar a Joseph Sabine como autoridade na descrición e clasificación científica en botánica.[5]
- A abreviatura Sabine emprégase para recoñecer a Joseph Sabine como autoridade na descrición e taxonomía en zooloxía.
Notas
[editar | editar a fonte]- ↑ 1,0 1,1 1,2 1,3 1,4 1,5 Boulger, George Simonds (1897): "Sabine, Joseph (1770-1837)". En Lee, Sidney (ed.) Dictionary of National Biography. Vol. 50. London: Smith, Elder & Co.
- ↑ Library and Archive Catalogue (xullo 2007). Royal Society, ed. "List of Fellows of the Royal Society 1660 – 2007" (PDF). Arquivado dende o orixinal (pdf) o a7 de maio de 2015.
- ↑ J. Bot. 6: 228, 238 1868 (IK)
- ↑ Chlor. Melvill. 226 1823 (GCI)
- ↑ Sabine – Joseph Sabine (1770-1837) no IPNI.
| Control de autoridades |
|
|---|
