Itzaltzu

Itzaltzu

Localización
42°54′49″N 1°03′24″O / 42.9135242, -1.056724
Estado	España
Comunidade foral	Navarra
Capital	Izalzu–Itzaltzu (en)
Poboación
Poboación	38 (2023) (5,21 hab./km²)
Lingua oficial	lingua éuscara (zona lingüística) lingua castelá (zona lingüística)
Xeografía
Parte de	Mancomunidade de Augas «Arratoz» Mancomunidade de Servizos Sociais «Salazar e Navascués» Mancomunidade de Servizos Sociais de Lumbier Mancomunidade de Refugallos Sólidos Esca-Salazar Zona mixta de Navarra
Superficie	7,3 km²
Altitude	803 m
Comparte fronteira con	Otsagabia
Organización política
• Alcalde	Lorenzo Goyeneche Sola (en)
Identificador descritivo
Código postal	31689
Código INE	31133

Itzaltzu (en castelán e tamén oficial: Izalzu) é un concello de Navarra, situado no meiriñado de Sangüesa, no val de Salazar e a 88 km da capital da comunidade, Pamplona. A súa poboación en 2013 foi de 52 habitantes (INE), o seu termo municipal ten unha superficie de 7,3 km² e a súa densidade de poboación é de 7,12 hab./km².

Izaltzu é un topónimo de orixe éuscaro. O nome antigo de Izaltzu era Yçiçuloa (s.XI) ou Içeyçuloa (s.XII), cando unicamente había un mosteiro no sitio. Este topónimo antigo significa en éuscaro o fondal de abetos, de izei (abeto) e zuloa (burato, fondal). Con posterioridade medrou a vila arredor do mosteiro e o lugar pasou a ser coñecido como Izaltzu. Algúns apuntan a posibilidade de que o nome Izalzu derive de Izizulo, mais os filólogos consideran que son dous topónimos diferentes. Segundo Mikel Belasko, Izalzu significa lugar de sombras, lugar sombrío e provería de itzal (sombra) e o sufixo abundancial -(t)zu.^[1] En éuscaro, o nome da vila transcríbese como Itzaltzu. Dende 2000, son cooficiais o nome castelán e o éuscaro.

O escudo de armas da vila de Izaltzu ten o seguinte brasón:

Trae de goles e un lobo de sable coas unllas douradas, que ten atravesado na boca un año de prata cos cornos dourados.

Este escudo é o brasón privativo do val de Salazar e ó mesmo tempo de cada unha das súas vilas. Simboliza a natureza gandeira do val e a necesidade de defender os animais dos ataques dos lobos. ^[2]

A localidade de Izaltzu atópase na parte Nordeste de Navarra e norte do Val de Salazar a unha altitude de 803 msnm. O seu termo municipal ten unha superficie de 7,3 km² e limita polo norte con terreo comunal do Val de Salazar, polo leste e sur coa facería de Izaltzu-Otsagabia e polo oeste co concello de Otsagabia.^[3]

Wikimedia Commons ten máis contidos multimedia na categoría:  Itzaltzu