Hanga Roa

Hanga Roa

Localización
27°08′57″S 109°25′56″O / -27.149244, -109.432323
Estado	Chile
Rexión	Rexión de Valparaíso
Provincia	Provincia da Illa de Pascua
Comuna	Illa de Pascua
Capital de	Provincia da Illa de Pascua Illa de Pascua Illa de Pascua
Poboación
Poboación	7.163 (2017) (563,57 hab./km²)
Xeografía
Superficie	12,71 km²
Altitude	41 m
Creación	9 de setembro de 1888
Identificador descritivo
Fuso horario	UTC−06:00

Hanga Roa (do rapanui: "baía longa") é a principal cidade, porto e a capital da provincia de Illa de Pascua, en Chile. Practicamente a totalidade dos habitantes pertencentes a esta comuna localízanse neste poboado situado ao suroeste da illa, nas terras baixas entre os volcáns extintos de Maunga Terevaka e Rano Kau.

Segundo o censo de 2002, a poboación de Hanga Roa era de 3.304 habitantes, o que supón máis do 87% da poboación total da Illa de Pascua.

Posúe unha rúa principal en dirección norte-sur, a avenida Atamu Tekena, chamada así en honra ao heroe local Atamu Tekena, anteriormente coñecida como avenida Policarpo Toro, nomeada en memoria do Capitán Policarpo Toro, oficial naval chileno que anexionou a Illa de Pascua a Chile en 1888. Esta rúa é o centro da cidade, posúe moitas tendas, hoteis, restaurantes, o único supermercado da illa e a farmacia. Na intersección con Te Pito Te Henua, sitúanse os edificios públicos e o resto do comercio.

Ao norte da cidade, na zona de Tahai, atópase o Museo Antropolóxico Padre Sebastián Engler. Nesa mesma zona poden visitarse tres plataformas sacras que foron restauradas co fin de presentar os moais tal como os podiamos ver cando foron emprazados por primeira vez, así como unha tradicional casa-cova sacerdotal.

A principal actividade da localidade é o turismo, principalmente para ver os moais da illa. Hanga Roa, recibe practicamente na súa totalidade, turistas a través do Aeroporto Internacional Mataveri -cuxa construción se comezou en 1965-, ao que chegan avións de LAN Airlines, a aerolínea nacional chilena, que ofrece voos directos a Santiago e Papeete (en Tahití, Polinesia Francesa) e é a única aeroliña comercial que con regularidade voa á illa.

Á parte do turismo, outras actividades en Hanga Roa son a pesca, a agricultura e a administración (xa que varios departamentos chilenos de goberno incluíndo a Armada de Chile manteñen establecementos aquí, a illa máis occidental de Chile).

Praia Pea, é unha pequena praia situada no lado sur da caleta de Hanga Roa.

Wikimedia Commons ten máis contidos multimedia na categoría:  Hanga Roa