Daybreak

Daybreak é o vixésimo quinto single lanzado pola cantante xaponesa Ayumi Hamasaki. Tamén foi o seu primeiro single do ano 2002.

Este foi un single que Ayumi fixo exclusivamente por unha obra benéfica para Unicef co seu lema do ano 2002 "Let it be peace in the world", e a canción tamén foi promocionada para un produto da compañía Panasonic, dentro do seus comerciais de televisión. "Daybreak" é o último single que foi lanzado en formato maxi single de máis de 4 o 5 cancións, e o último para o que foron incluídos cantidades masivas de remixes. Incluíu remixes de varias cancións do álbum "I am...", máis unha versión estendida do instrumental "Opening Run".

O vídeo musical feito para "Daybreak" é sen lugar a dúbidas un dos máis simples, e que quizais menos traballo custou. Só foi utilizada unha cámara durante todo o vídeo, e non houbo ningún tipo de edición; Ayumi estivo cantando a súa canción sen cortes dende o principio ata o final do vídeo. A localización exacta do vídeo é descoñecida, pero foi gravado nunha estrada, ó parecer de madrugada preto do amencer.