Georges Prêtre

Georges Prêtre

Biografía
Nacemento	14 de agosto de 1924 Waziers, Francia
Morte	4 de xaneiro de 2017 (100 anos) Navès, Francia
Outros nomes	Georges Dhérain
País de nacionalidade	Francesa
Educación	Conservatorio de París Regional Conservatoire of Douai (en)
Actividade
Campo de traballo	Música
Ocupación	Director de orquestra
Período de actividade	1946 -
Xénero artístico	Música clásica
Profesores	Maurice Duruflé (pt)
Alumnos	Vannina Santoni (pt)
Selo discográfico	EMI
Participou en
3 de xuño de 2006	Athens Epidaurus Festival (en)
Familia
Cónxuxe	Suzanne Lefort
Fillos	Isabelle Prêtre
Premios
(10 de maio de 1995)  Comandante da Orde Nacional do Mérito  grande oficial da Lexión de Honra
Descrito pola fonte	Biblioteca dixital BEIC

Georges Prêtre, nado en Waziers, Departamento de Norte o 14 de agosto de 1924 e finado en Navès, Mediodía-Pireneos o 4 de xaneiro de 2017^[1][2] foi un director de orquestra francés.^[3]

Estudou harmonía con Maurice Duruflé e dirección con André Cluytens, entre outros, no Conservatorio de París. Despois de graduarse, dirixiu en varias compañías de ópera menores en Francia (ás veces baixo o nom de plume de Georges Dherain) antes de realizar o seu debut en París na Opéra-Comique con Capriccio de Richard Strauss. O seu debut na Royal Opera House, Covent Garden chegou en 1961, coas súas primeiras aparicións na Metropolitan Opera, Nova York, e o Teatro alla Scala, Milán, a fins dos anos 1960. Traballou con Maria Calas en varias ocasións, e realizou gravacións de Carmen e Tosca con ela, sendo o seu director musical favorito. Por un tempo foi director musical da Ópera de París.

Ademais da ópera, Prêtre foi moi coñecido polas súas interpretacións de música francesa. Estivo especialmente asociado con Francis Poulenc, estreando a súa ópera La voix humaine na Opéra-Comique en 1959, nas súas Sept répons des ténèbres en 1963. En 1999 deu unha serie de concertos en París para celebrar o centenario do nacemento de Poulenc. En 2008, á idade de 83 anos, converteuse no primeiro director francés e o máis lonxevo en dirixir o Concerto de Aninovo da Wiener Philharmoniker, coñecido mundialmente e seguido por millóns de persoas, marca que bateu el mesmo en 2010 ao dirixilo con 85 anos.

Georges Prêtre faleceu o 4 de xaneiro de 2017 aos 92 anos de idade por causas naturais.^[2]

Esta é unha listaxe incompleta das súas condecoracións e distincións:

• Oficial da Orde Nacional da Lexión de Honor (2009)
• Europa Prize (1982)
• Victoire de la Musique (ao mellor director, 1997)
• Austrian Cross of Honour for Science and Art, 1st class (2004)