Boteiro

O boteiro é un personaxe do folclore de Galiza vinculado ás festas de entrudio^[1] da comarca vianesa; está presente nos concellos de Viana do Bolo, Vilariño de Conso e A Gudiña^[2]. Agora ben, segundo a zona de procedencia, a súa vestimenta e comportamentos mudan^[3].

Características

A diferenza máis evidente entre os boteiros de Vilariño de Conso e os de Viana do Bolo está na careta.

A máscara de Vilariño está feita con pel de cabra ou de cartón, de cor rosa, e leva barba e bigote; en cambio, a vianesa é tallada en madeira de bidueiro e de cor negra^[4]. A pantalla da de Vilariño adoita ser cadrada e de cartón, mentres que a de Viana está feita sobre un armazón de ferro recuberto por papel de seda de cores.

O traxe está composto por^[5]^[6]:

Unha camiseta de cores feita con fitas cosidas pregadas en acordeón
Camisa branca e gravata
Luvas
Un pantalón con flocos nos laterais
Un cinto con esquilas
As legues, polainas de coiro, negras
Unhas botas negras
A monca, un pau coroado por un rabo de raposo ou por unha borla, que o boteiro emprega a modo de pértega para dar saltos.
Boteiro de Viana do Bolo

Funcións

O boteiro é o líder da comitiva de entrudio coñecida como fulión. As súas funcións, a maiores de dar botes e carreiras como forma de animación, son:

Pedir permiso na entrada das aldeas visitadas.
Abrir paso entre a multitude ó fulión^[7].

Detalle das esquilas e da camiseta dun boteiro de Viana do Bolo

Notas

↑ Álvarez Pousa, Concepción (2023). A lingua de Viana do Bolo: descrición e textos. Universidade de Vigo. Servizo de Publicacións. p. 164. ISBN 978-84-8158-948-1. A celebración que ten lugar antes da Coresma, consistente en desfile de folións, comparsas e foliadas, recibe o nome das formas tradicionais de Entrudio e Intrudio, que se substitúen habitualmente na xente nova por Carnaval como solución maioritaria fronte a Entroido do galego común.
↑ González Fernández, Óscar J. (2014). Mascaradas de la península Ibérica. Autoedición.
↑ Basalo Bembibre, Pedro (2019). "Chama-las cousas polo nome". Entroido en Galicia. Onde ir, que ver (monográfico do periódico O Sil): 44–45.
↑ As caras do entroido ourensán, ed. Deputación de Ourense, p. 232
↑ As caras do entroido ourensán, ed. Deputación de Ourense, p. 223
↑ Informativos Telemiño (21 de febreiro de 2020). Entroido 2020. Os Boteiros De Viana do Bolo (Telemiño).
↑ Informativos Telemiño (20 de febreiro de 2023). Entroido. Antroido. Entrudio. O Boteiro, Vilariño de Conso.

Véxase tamén

Outros artigos

Ligazóns externas

O Entroido de Vilariño de Conso
Entrudio de Viana do Bolo (web oficial do concello de Viana do Bolo)
Historia recente do boteiro de Viana do Bolo

[1] Álvarez Pousa, Concepción (2023). A lingua de Viana do Bolo: descrición e textos. Universidade de Vigo. Servizo de Publicacións. p. 164. ISBN 978-84-8158-948-1. A celebración que ten lugar antes da Coresma, consistente en desfile de folións, comparsas e foliadas, recibe o nome das formas tradicionais de Entrudio e Intrudio, que se substitúen habitualmente na xente nova por Carnaval como solución maioritaria fronte a Entroido do galego común.

[2] González Fernández, Óscar J. (2014). Mascaradas de la península Ibérica. Autoedición.

[3] Basalo Bembibre, Pedro (2019). "Chama-las cousas polo nome". Entroido en Galicia. Onde ir, que ver (monográfico do periódico O Sil): 44–45.

[4] As caras do entroido ourensán, ed. Deputación de Ourense, p. 232

[5] As caras do entroido ourensán, ed. Deputación de Ourense, p. 223

[6] Informativos Telemiño (21 de febreiro de 2020). Entroido 2020. Os Boteiros De Viana do Bolo (Telemiño).

[7] Informativos Telemiño (20 de febreiro de 2023). Entroido. Antroido. Entrudio. O Boteiro, Vilariño de Conso.

[1]

[2]

[3]

[4]

[5]

[6]

[7]